ഫുജൈറ: ബലിപെരുന്നാളിനോടനുബന്ധിച്ച് ഫുജൈറയിലെ ശിക്ഷാ-പുനരധിവാസ കേന്ദ്രങ്ങളിൽ കഴിയുന്ന 104 തടവുകാരെ മോചിപ്പിക്കാൻ സുപ്രീം കൗൺസിൽ അംഗവും ഫുജൈറ ഭരണാധികാരിയുമായ ശൈഖ് ഹമദ് ബിൻ മുഹമ്മദ് ആൽ ശർഖി ഉത്തരവിട്ടു.
വിവിധ രാജ്യങ്ങളിൽ നിന്നുള്ള തടവുകാരെയാണ് മോചനത്തിനായി പരിഗണിച്ചിരിക്കുന്നത്. തടവുകാർ കാട്ടിയ നല്ല പെരുമാറ്റം, അച്ചടക്കം, പുനരധിവാസ നടപടികളോടുള്ള സഹകരണം എന്നിവ വിലയിരുത്തിയ ശേഷമാണ് ഈ തീരുമാനമെടുത്തതെന്ന് ബന്ധപ്പെട്ട അധികൃതർ അറിയിച്ചു.
ബലിപെരുന്നാൾ പോലുള്ള വിശേഷ ദിനങ്ങളിൽ യുഎഇ ഭരണാധികാരികൾ തടവുകാർക്ക് മോചനം അനുവദിക്കുന്ന പതിവിന്റെ ഭാഗമായാണ് ഫുജൈറ ഭരണാധികാരിയുടെ ഈ ഉത്തരവ്.
