അബുദബി : അബൂദബിയിലെ ഇന്ത്യൻ മാധ്യമ പ്രവർത്തകരുടെ കൂട്ടയ്മയായ ഇന്ത്യൻ മീഡിയ അബുദാബി (ഇമ)യുടെ പ്രവർത്തനോൽഘാടനവും സൗഹൃദ സംഗമവും ഫെബ്രുവരി 17 ന് തിങ്കളാഴ്ച അബുദാബി കോർണിഷിലുള്ള ലെ റോയൽ മെറിഡിയൻ ഹോട്ടലിൽ നടക്കും. വൈകിട്ട് ആറിന് യു എ ഇ – ഇന്ത്യ ദേശീയ ഗാനത്തോടെ പരിപാടി ആരംഭിക്കും. തുടർന്ന് ഇന്ത്യൻ മീഡിയ അബുദബി ( ഇമ) യുടെ കഴിഞ്ഞകാല പ്രവർത്തനങ്ങൾ വിവരിക്കുന്ന വീഡിയോ പ്രദർശിപ്പിക്കും. പ്രസിഡന്റ് സമീർ കല്ലറയുടെ അധ്യക്ഷതയിൽ ഗതാഗത വകുപ്പ് മന്ത്രി കെ ബി ഗണേഷ് കുമാർ ഉൽഘാടനം ചെയ്യും. ഇമ യുടെ ജീവകാരുണ്യ പദ്ധതിയായ ഭവന പദ്ധതിയുടെ പ്രഖ്യാപനം മന്ത്രി കെ ബി ഗണേഷ് കുമാർ നിർവഹിക്കും. ഭക്ഷ്യ സിവിൽ സപ്ലൈസ് മന്ത്രി ജി ആർ അനിൽ മുഖ്യാതിഥിയായിരിക്കും. ഇന്ത്യൻ സ്ഥാനപതി കാര്യാലയം ഉപ സ്ഥാനപതി എ അമർനാഥ്, ബുർജീൽ ഹോൾഡിങ്‌സ് സി ഇ ഒ സഫീർ അഹ്മദ്, ലുലു ഗ്രൂപ്പ് ഡയറക്ടർ വി നന്ദകുമാർ, ബനിയസ് സ്പൈക്ക് എം ഡി അബ്ദുൽ റഹ്മാൻ അബ്ദുല്ല, അൽ സാബി ഗ്രൂപ്പ് സി ഇ ഒ അമൽ വിജയകുമാർ, സേഫ് ലൈൻ എം ഡി ഡോക്ടർ അബൂബക്കർ കുറ്റിക്കോൽ, റഫീഖ് കയനിയൽ എന്നിവർ സംബന്ധിക്കും. മാധ്യമ പ്രവർത്തകർക്കുള്ള പുതിയ തിരിച്ചറിയൽ കാർഡ് മന്ത്രി കെ ബി ഗണേഷ് കുമാർ വിതരണം ചെയ്യും. പത്രപ്രവർത്തകൻ ടി പി ഗംഗാധരന് യാത്രയപ്പ് നൽകും. ജനറൽ സെക്രട്ടറി റാശിദ് പൂമാടം സ്വാഗതവും ട്രഷറർ ഷിജിന കണ്ണൻദാസ് നന്ദിയും പറയും.
