ദുബായ് :ഒ ടി ഷാജഹാൻറെ സംവിധാനത്തിൽ,തിയേറ്റർ ദുബായ് ഇന്റർനാഷണൽ, അവതരിപ്പിച്ച നാടകം ജീവന്റെ മാലാഖ, ഇന്ത്യയിലെ നാടക വേദിയുടെ ഓസ്കാർ എന്നു വിശേഷിക്കപ്പെടുന്ന മഹേന്ദ്ര എക്സലൻസ് ഇൻ തിയേറ്റർ അവാർഡ്സിന്റെ (META 2025) ഇരുപതാം എഡീഷനിലേക്ക് തിരഞ്ഞെടുക്കപ്പെട്ടു.
ഇന്ത്യയിലെ നാനാ ഭാഷകളിൽ നിന്നുള്ള 367 നാടകങ്ങളിൽ നിന്ന് 10 എണ്ണമാണ് ഈ അവാർഡിലേക്ക് പരിഗണിക്കപ്പെട്ടത്.ഇക്കഴിഞ്ഞ KSC ഭരത് മുരളി നാടകോത്സവത്തിലെ തിളക്കമാർന്ന വിജയത്തിന് ശേഷം, മികച്ച നാടകം, സംവിധായകൻ, അഭിനേതാവ് (സപ്പോർട്ടിങ് റോൾ ), അഭിനേത്രി (സപ്പോർട്ടിങ് റോൾ ), രംഗ സജ്ജീകരണം, ശബ്ദ വിന്യാസം, വെളിച്ച വിന്യാസം, നൃത്തസംവിധാനം , വേഷവിതാനം , എൻസംബിൾ എന്നിങ്ങനെ പത്ത് വിഭാഗങ്ങളിലേക്കാണ് നാടകത്തിന് നാമനിർദ്ദേശം ലഭിച്ചിരിക്കുന്നത്.മാർച്ച്‌ 16 രാത്രി 8 മണിക്ക് ഡൽഹി കമാനി ഓഡിറ്റോറിയത്തിൽ വെച്ചാണ് നാടകം അവതരിപ്പിക്കപ്പെടുന്നത്.
