ദുബായ് : ദുബായിലെ പ്രമുഖ ഷോപ്പിംഗ് ഇടങ്ങളിൽ നടന്നു വരുന്ന 3 ദിവസത്തെ 90% സൂപർ സെയിൽ ഇന്നു കൂടി. വസ്ത്രങ്ങൾ, ആക്‌സസറികൾ, പെർഫ്യൂമുകൾ എന്നീ വിഭാഗങ്ങളാണ് സൂപർ സെയിലിൽ വലിയ നിലയിൽ ആകർഷിക്കപ്പെടുന്നത്. വെള്ളി, ശനി ദിവസങ്ങളിൽ വളരെ ഉയർന്ന ഷോപ്പിംഗ് തിരക്കുണ്ടായി.
വസ്ത്ര വിഭാഗത്തിൽ കഴിഞ്ഞ 48 മണിക്കൂറിനുള്ളിൽ മികച്ച വിൽപന നേടിയതായി ഫാഷൻ റീടെയിലർമാർ പറഞ്ഞു.2,500ലധികം ഷോപ്പുകളിലെ 500ലധികം മുൻനിര ബ്രാൻഡുകളിൽ 90% വരെ അവിശ്വസനീയ കിഴിവുകൾ ലഭ്യമാണ്. വാങ്ങുന്നവർക്ക് വൻ ലാഭവും എക്‌സ്‌ക്ലൂസിവ് റിവാർഡുകളും വാഗ്ദാനമുണ്ട്.ഏപ്രിൽ, മെയ് മാസങ്ങളിൽ വിൽപനയിൽ മാന്ദ്യമുണ്ടായിരുന്നുവെന്നും, എന്നാൽ ത്രിദിന സൂപർ സെയിലോടെ വലിയ അളവിൽ വ്യാപാരം നടക്കുന്നത് ആശ്വാസകരമെന്നും മാൾ റീടെയ്‌ലർമാർ അഭിപ്രായപ്പെട്ടു.90% കിഴിവുകൾക്ക് ശേഷം ദുബൈയിലെയും യു.എ.ഇയിലെയും ഷോപർമാർക്ക് ഈദ് അൽ അദ്ഹ അവധി ദിനങ്ങളിലേക്ക് എത്തുമ്പോൾ കൂടുതൽ പ്രൈസ് ഓഫുകളും ക്യാഷ്ബാക്ക് പ്രമോഷനുകളും പ്രതീക്ഷിക്കാമെന്നാണ് ഫെസ്റ്റിവൽ ആൻഡ് റീട്ടെയിൽ എസ്റ്റാബ്ലിഷ്‌മെന്റ് അധികൃതർ അറിയിക്കുന്നത്.
