ഷാർജ: ഹംരിയ മേഖലയിലെ ഇന്ധന ഗോഡൗണിൽ ശനിയാഴ്ച രാവിലെ തീപിടുത്തമുണ്ടായി. തീ നിയന്ത്രണ വിധേയമാക്കാനുള്ള ശ്രമങ്ങൾ ഷാർജ സിവിൽ ഡിഫൻസ് അതോറിറ്റിയിലെ അഗ്നിശമന സേനാംഗങ്ങൾ മണിക്കൂറുകളോളം തുടർന്നു.തീപിടിത്തം സംബന്ധിച്ച വിവരങ്ങൾക്കായി ഔദ്യോഗിക ഉറവിടങ്ങളെ മാത്രം ആശ്രയിക്കാൻ താമസക്കാരോടും മാധ്യമങ്ങളോടും അധികൃതർ അഭ്യർഥിച്ചു.
കഴിഞ്ഞയാഴ്ച, ഷാർജയിലെ അൽ സജാ പ്രദേശത്തെ ഒരു പെട്രോകെമിക്കൽ, ഫൈബർഗ്ലാസ് പ്ലാന്റിൽ ഉണ്ടായ അഗ്നിബാധ പെട്ടെന്ന് നിയന്ത്രണവിധേയമാക്കിയെന്നും മറ്റ് സ്ഥാപനങ്ങളിലേക്ക് തീ പടരാതെ നോക്കാൻ സാധിച്ചുവെന്നും സിവിൽ ഡിഫൻസ് അറിയിച്ചു.
