ദുബായ് :കാഫ് ദുബായ് നടത്തിയ കഥാനഗരം യു. പി. ജയരാജ് ചെറുകഥാ മത്സരത്തിലെ വിജയികളെ പ്രഖ്യാപിച്ചു. മത്സരത്തിൽ നാല്പതോളം കഥകളാണ് ലഭിച്ചത്. അവാസന റൗണ്ടിൽ ഷോർട്ട് ലിസ്റ്റ് ചെയ്യപ്പെട്ട പതിനഞ്ച് കഥകളിൽ നിന്നും,മലയാളത്തിലെ ചെറുകഥാകൃത്തുക്കളായ പ്രിയ സുനിൽ, ശ്രീകണ്ഠൻ കരിക്കകം, ജോസഫ് അതിരുങ്കൽ എന്നിവർ ചേർന്നാണ് കഥകളുടെ മൂല്യനിർണ്ണയം നടത്തിയത്.
‘ഫാത്തിമ ദോഫാർ ‘ എഴുതിയ ജലക്കരടി എന്ന കഥയാണ് ഒന്നാം സ്ഥാനത്തിന് അർഹമായത്. രാജേഷ് ചിത്തിരയുടെ താഷ്കെൻ്റ്, ഹുസ്ന റാഫിയുടെ ആടോള് എന്നീ കഥകൾ യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി. സക്കാറ ചുമർച്ചിത്രങ്ങൾ പറഞ്ഞത് (വൈ.എ.സാജിദ ) ഉടൽച്ചൊരുക്ക് (അനുവന്ദന) എന്നീ കഥകൾ പ്രത്യേക ജൂറി പരാമർശം നേടി.
വിജയികൾക്കുള്ള പുരസ്കാരം ജൂൺ 15ന് ഗിസൈസ് റിവാഖ് ഇൻസ്റ്റിറ്റ്യൂട്ടിൽ വെച്ച് നടക്കുന്ന കഥാനഗരം പരിപാടിയിൽ വിതരണം ചെയ്യും. അവസാന റൗണ്ടിൽ ഷോർട്ട് ലിസ്റ്റ് ചെയ്യപ്പെട്ട 15 എഴുത്തുകാർക്ക് സർട്ടീഫിക്കറ്റുകൾ വിതരണം ചെയ്യും. പുരസ്കാര സമർപ്പണത്തോടനുബന്ധിച്ച് ഷാജഹാൻ തറയിൽ മോഡറേറ്ററായ കഥയുടെ വർത്തമാനം എന്ന വിഭാഗത്തിൽ എഴുത്തുകാരായ അർഷാദ് ബത്തേരി, സോണിയ റഫീക്ക് തുടങ്ങിയവർ പങ്കെടുക്കുമെന്ന് സംഘാടകർ അറിയിച്ചു.
