ദുബായ് : ദുബായ് ഡി ഐ പി യിലുള്ള പ്രീമിയർ കമ്പനിയിൽ ജോലി ചെയ്തിരുന്ന ഓർമ അംഗം നാട്ടിൽ അന്തരിച്ചു പാലക്കാട് ശ്രീകൃഷ്ണപുരം വലമ്പിളിമംഗലം സ്വദേശിയായ പരിയക്കാട് വീട്ടിൽ പ്രതീപ് ആണ് അസുഖബാധിതൻ ആയി മരണപ്പെട്ടത് . ജോലി നഷ്ടപ്പെട്ട് നാട്ടിലേക്ക് പോയശേഷം അസുഖ ബാധിതനാവുകയായിരുന്നു . ചികിത്സക്കിടെയാണ് മരണപ്പെടുന്നത് . ഭാര്യയും രണ്ട് പിഞ്ചു മക്കളും അടങ്ങുന്ന കുടുംബത്തിന്റെ ഏക അത്താണിയെയാണ് നഷ്ടപ്പെട്ടത്. പ്രവാസി ആയിരിക്കുമ്പോഴും കലാ സാംസ്‌കാരിക പ്രവർത്തനങ്ങളിൽ സജീവമായിരുന്നു . ഓർമയുടെ അൽഖൂസ് മേഖലയിലെ ഡി ഐ പി 2 യൂണിറ്റ് അംഗമായിരുന്നു . നിര്യാണത്തിൽ ഓർമ അഗാധമായ ദുഖവും അനുശോചനവും രേഖപ്പെടുത്തി . ഈ വേർപാടിലൂടെ നാടിനും കുടുംബത്തിനും മാത്രമല്ല പ്രവാസ സമൂഹത്തിനും നല്ലൊരു സാമൂഹിക പ്രവർത്തകനെയാണ് നഷ്ടമായതെന്ന് അനുശോചന സന്ദേശത്തിൽ ഓർമ ഭാരവാഹികൾ പറഞ്ഞു .
ഭാര്യ പ്രഭിത മക്കൾ വഷ്ണവ 6 വയസ് വൈദേഹി 2.5 വയസ്
