ദുബായ്,: ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റിയുടെ (RTA) ലൈസൻസിംഗ് ഏജൻസിയുടെ നേതൃത്വത്തിൽ മോട്ടോർസൈക്കിൾ ലൈസൻസ് പരിശീലന കേന്ദ്രങ്ങളിൽ മൂന്ന് മാസത്തെ വ്യാപക പരിശോധനാ ക്യാമ്പയിൻ പൂർത്തിയായി. നഗരത്തിലെ 26 പരിശീലന കേന്ദ്രങ്ങളിലായി 2,391 പരിശോധനകൾ നടപ്പിലാക്കിയതിൽ നിരവധി ലംഘനങ്ങൾ കണ്ടെത്തി.പ്രധാനമായും മോട്ടോർസൈക്കിളുകളുടെ ടയർ പരിപാലനത്തിൽ ഉളള തടസ്സങ്ങൾക്കും, നിർദേശിച്ച പരിശീലന സമയപരിധി പാലിക്കാത്തതിനും ലംഘനങ്ങൾ രേഖപ്പെടുത്തി. പരിശീലന ട്രാക്കുകളും പ്രാക്ടീസ് യാർഡുകളും ശുചിത്വവും സുരക്ഷയും നിലനിർത്തുന്നുവോ എന്നതും പരിശോധിച്ചു.
“വാഹനങ്ങളുടെ സ്ഥിരമായ പരിപാലനം, പരിശീലന ട്രാക്കുകളിൽ ദിശാനിർദ്ദേശ ബോർഡുകളുടെ ശരിയായ സ്ഥാപനം എന്നിവ പരിശീലനത്തിന്റെ നിലവാരം ഉറപ്പാക്കുന്നതിലും സുരക്ഷ ഉറപ്പാക്കുന്നതിലും നിർണായകമാണ്,” എന്ന് ലൈസൻസിംഗ് ആക്ടിവിറ്റീസ് മോണിറ്ററിംഗ് ഡയറക്ടർ സഈദ് അൽ റംസീ പറഞ്ഞു.സേവന നിലവാരം മെച്ചപ്പെടുത്തുന്നതിനും ഉപഭോക്തൃ വിശ്വാസം ഉറപ്പാക്കുന്നതിനുമായുള്ള ആർടിഎയുടെ ദീർഘകാല ശ്രമങ്ങളുടെ ഭാഗമാണ് ഈ പരിശോധനാ ക്യാമ്പയിനുകൾ.
