ദുബായ് /അബൂദബി: അവിസ്മരണീയ കുടുംബ അനുഭവങ്ങൾ, സംഗീത കച്ചേരികൾ, സാംസ്കാരിക പരിപാടികൾ, സ്വർണ്ണ നാണയ സമ്മാനങ്ങൾ നേടാൻ അവസരം, ആഴത്തിലുള്ള തീം പാർക്ക് സാഹസികതകൾ എന്നിവയടക്കം ഈദ് അൽ അദ്ഹ 2025ൽ വമ്പിച്ച ആഘോഷങ്ങളാണ് യു.എ.ഇലെങ്ങും സംഘടിപ്പിക്കുന്നത്. ദുബൈ, അബൂദബി, അൽ ഐൻ, അൽ ദഫ്ര എന്നിവിടങ്ങളിലെ മാളുകളും ലാൻഡ്‌ മാർക്കുകളും ഈദ് അവധിക്കാലത്ത് എല്ലാ പ്രായക്കാർക്കും ആസ്വദിക്കാനാകുന്ന നിറഞ്ഞ ഉത്സവ കേന്ദ്രങ്ങളായി മാറും.പ്രസിദ്ധമായ അബൂദബി ഖസ്ർ അൽ ഹുസ്നിൽ ഇമാറാത്തി എക്സ്പീരിയൻസ്, ആർട്ടിസാൻസ് ഭവനം, ഈദിയ്യ ഉൾപ്പെടെ കുട്ടികൾക്കുള്ള പ്രത്യേക ആക്ടിവിറ്റികൾ, ആവേശകരമായ സമ്മാനങ്ങൾ അടക്കം മൂന്ന് ദിവസത്തെ ആഘോഷങ്ങളാണ് ഒരുക്കുന്നത്. അടുത്തുള്ള ഹൗസ് ഓഫ് ആർട്ടിസാൻസിൽ സന്ദർശകർക്ക് ഉത്സവ കാല ഇമാറാത്തി പാരമ്പര്യമായ ‘ഫവാലത് അൽ ഈദ്’ അനുഭവിക്കാം. പ്രൗഢവും കമനീയവുമായ മജ്‌ലിസിൽ പ്രാദേശിക വിഭവങ്ങളും മധുര പലഹാരങ്ങളും ഉൾപ്പെടുത്തിയ പരമ്പരാഗത ഭക്ഷണ സൽക്കാരം. പെൺകുട്ടികൾക്കായി ഹെയർ സ്റ്റൈലിംഗ് കോർണറും പ്രാദേശിക കരകൗശല വിദഗ്ധരുടെ പരമ്പരാഗത മൈലാഞ്ചി പ്രയോഗവും ഉണ്ടാകും.
ജൂൺ 7ന് വൈകുന്നേരം 4 മുതൽ രാത്രി 8 വരെയും, ജൂൺ 8, 9 തീയതികളിൽ രാവിലെ 9 മുതൽ രാത്രി 8 വരെയുമാണ് ഇവയുണ്ടാവുക.യാസ് മാളിൽ ഷർക്ക് ഓർക്കസ്ട്ര ഷോ ഉണ്ടായിരിക്കും. യാസ് മാളിലെത്തുന്ന മുഴുവൻ കുടുംബങ്ങൾക്കും ഉത്സവാന്തരീക്ഷത്തിൽ പാരമ്പര്യ-വിനോദ മിശ്രിതം ആസ്വദിക്കാം.
അയാല നർത്തകർ, പ്രശസ്ത വയലിനിസ്റ്റ് മുഹമ്മദ് ഹമാമി നയിക്കുന്ന ഷർക്ക് ഓർക്കസ്ട്ര തുടങ്ങിയ സാംസ്കാരിക പ്രകടനങ്ങൾ ശ്രദ്ധേയമാകും. സാക്‌സഫോൺ, ഫ്ലൂട്ട്, ഔദ്, ഖാനുൻ, കീബോർഡ് പ്രകടനങ്ങൾ ആഹ്ലാദാന്തരീക്ഷം പകരും. ബ്രാൻഡ് മാസ്‌കോട്ടുകളുമായി കുടുംബങ്ങൾക്ക് കാണാനും സൗകര്യമുണ്ടാകും.ജൂൺ 6 മുതൽ 8 വരെ (രാവിലെ 10 മുതൽ രാത്രി 10 വരെ) ബവാബത്ത് അൽ ഷർക്ക് മാളിൽ സൗജന്യ സംഗീത കച്ചേരികൾ. സ്വർണ്ണ നാണയങ്ങൾ നേടാൻ അവസരമുണ്ടാകും.
അബൂദബി ബനിയാസ് ഈസ്റ്റിൽ സ്ഥിതി ചെയ്യുന്ന ബവാബത്ത് അൽ ഷർക്ക് മാളിൽ രണ്ട് സൗജന്യ സംഗീത കച്ചേരികളാണ് നടക്കുക. ഈദിന്റെ ആദ്യ ദിവസമായ ജൂൺ 6ന് (രാത്രി 9 മുതൽ 10 വരെ) ഉറൈബ് ഹംദാൻ, ഫൈസൽ അൽ ജാസിം എന്നിവരുടെ പ്രകടനങ്ങൾ ആസ്വദിക്കാം.
രണ്ടാം ദിവസം മുഹമ്മദ് അൽ മിൻഹാലിയും സാലിഹ് സഈദും ക്ലാസിക് ഹിറ്റുകൾ അവതരിപ്പിക്കും. ജൂൺ 8 വരെ (വൈകുന്നേരം 4 മുതൽ രാത്രി 10 വരെ), മാളിൽ ഫെസ്റ്റിവൽ ആക്ടിവിറ്റികൾ, കുട്ടികൾക്കായി പ്രത്യേക കളിസ്ഥലം, സന്ദർശകർക്ക് സ്വർണ്ണ നാണയങ്ങൾ നേടാൻ തത്സമയ പരിപാടികൾ എന്നിവയും ഉണ്ടായിരിക്കും.ജൂൺ 16ന് 100 ഗ്രാം സ്വർണം നേടാനുള്ള അവസരത്തിനായി റാഫിൾ നറുക്കെടുപ്പിൽ പങ്കെടുക്കാൻ ഏതെങ്കിലും ഷോപ്പിൽ 100 ദിർഹമോ അതിൽ കൂടുതലോ ജൂൺ 15 വരെ ചെലവഴിച്ചാൽ മതിയാകും.
നഗരത്തിന്റെ ഹൃദയ ഭാഗത്തുള്ള അൽ വഹ്ദ മാളിൽ എല്ലാ പ്രായക്കാരെയും രസിപ്പിക്കാനായി നിരവധി ആക്ടിവിറ്റികൾ ഒരുക്കിയിട്ടുണ്ട്. ജൂൺ 5 മുതൽ 8 വരെ പ്രിയപ്പെട്ട ‘പോ പട്രോൾ’ കഥാപാത്രങ്ങളുടെ അവതരണങ്ങൾ, കുട്ടികൾക്ക് ക്രിയേറ്റിവ് വർക്ക്‌ ഷോപ്പുകൾ, ബലൂൺ ബെൻഡറുകൾ, റോമിംഗ് മാസ്കോട്ടുകൾ എന്നിവയും ആസ്വദിക്കാം. അധിക പോ പട്രോൾ ഷോകൾ (ജൂൺ 13-14), വീലുകളിലെ കോമിക് ആന്റിക്‌സ് (ജൂൺ 13-15), ക്വീൻസ് ഗാർഡ് ഡാൻസേഴ്‌സ് ഷോ (ജൂൺ 20-21) എന്നിവയും ആഘോഷത്തിൽ ഉൾപ്പെടും.
അൽ ഫലാഹ് ഏരിയ, ഖലീഫ സിറ്റി ഏരിയ, ഷഖ്‌ബൂത്ത് ഏരിയ എന്നിവിടങ്ങളിൽ ജൂൺ 7, 8 തീയതികളിൽ ‘ഈദ്‌ന അഹ്‌ല’ ആഘോഷങ്ങൾ. പരമ്പരാഗത അൽ അയാല പ്രകടനങ്ങൾ, ആവേശകരമായ മത്സരങ്ങൾ, പ്രത്യേകിച്ചും കുട്ടികൾക്കുള്ള പ്രത്യേക സമ്മാനങ്ങൾ എന്നിവയും ആഹ്ലാദകരമായ ആഘോഷങ്ങളിൽ ഉൾപ്പെടുന്നു.
റൈഡുകൾ, സ്നോ അബൂദബി, റീം മാൾ എന്നിവിടങ്ങളിൽ ഹോട്ട് ചോക്ലേറ്റ്.
വേനൽക്കാല ചൂടിൽ രസകരമായ അനുഭവം സമ്മാനിക്കുമിത്. അൽ റീം ദ്വീപിലെ റീം മാളിലെ വലിയ ഇൻഡോർ സ്നോ പാർക്കായ സ്നോ അബൂദബി പ്രത്യേക ഈദ് പാക്കേജുകൾ വാഗ്ദാനം ചെയ്യുന്നു. 215 ദിർഹം മുതൽ ആരംഭിക്കുന്ന പരിധിയില്ലാത്ത റൈഡുകളും രുചികരമായ ഹോട്ട് ചോക്ലേറ്റും ആസ്വദിക്കാം. (ഓൺലൈൻ ബുക്കിംഗ് സാധ്യമാണ്). കുടുംബങ്ങൾക്ക് 645 ദിർഹമിന് ഈദ് ഫാമിലി പാസ് തിരഞ്ഞെടുക്കാനും കഴിയും.
ജൂൺ 5 മുതൽ 8 വരെ അൽ ഐനിലുടനീളമുള്ള സാംസ്കാരിക കേന്ദ്രങ്ങളിൽ പ്രത്യേക പരിപാടികൾ ഒരുക്കിയിട്ടുണ്ട്. 8ന് (രാവിലെ 9 മുതൽ രാത്രി 8 വരെ), അൽ ജാഹിലി ഫോർട്ട്, ഖസർ അൽ മുവൈജി, മുഹമ്മദ് ബിൻ ഖലീഫ ഹൗസ്, അൽ ഐൻ ഒയാസിസ്, ഖത്താറ ആർട്സ് സെന്റർ എന്നിവയുൾപ്പെടെ അൽ ഐനിലെ നിരവധി പ്രധാന സാംസ്കാരിക കേന്ദ്രങ്ങൾ പ്രത്യേക പരിപാടികൾക്ക് ആതിഥേയത്വം വഹിക്കും. ഫാൽക്കൺ തീം പരിപാടികൾ, ഈന്തപ്പനയോല നെയ്ത്ത് ഡിസൈനുകൾ, പോയെറ്റിക് കാലിഗ്രാഫി, സീസണൽ ഡേറ്റ് ആഘോഷങ്ങൾ എന്നിവയുൾപ്പെടെ ഓരോ സ്ഥലത്തിന്റെയും ചരിത്രത്തിൽ നിന്നും പാരമ്പര്യങ്ങളിൽ നിന്നും പ്രചോദനം ഉൾക്കൊണ്ടുള്ള സമ്മാനങ്ങൾ പ്രതീക്ഷിക്കാം.
ജൂൺ 6 മുതൽ 8 വരെ (രാവിലെ 10 മുതൽ രാത്രി 10 വരെ) അൽ ദഫ്ര മേഖലയിലുടനീളമുള്ള വെഡ്‌ഡിങ് ഹാളുകളിൽ നടക്കുന്ന ഉത്സവ പരിപാടികളിൽ കുടുംബങ്ങൾക്ക് അനുയോജ്യമായ വിനോദ ഇനങ്ങൾ ഉണ്ടായിരിക്കും. കുട്ടികൾക്കുള്ള ബൗൺസി ഗെയിമുകൾ, ആകർഷക സാംസ്കാരിക-നാടക പരിപാടികൾ, പ്രാദേശിക കുടുംബങ്ങളിൽ നിന്നുള്ള ഉൽപന്നങ്ങൾ അവതരിപ്പിക്കുന്ന തിരക്കേറിയ മാർക്കറ്റ് എന്നിവയും ഇതിൽ ഉൾപ്പെടുന്നു. പാരമ്പര്യം, വിനോദം, സമൂഹ സ്നേഹം എന്നിവയുടെ മികച്ച മിശ്രിതമാണ് പരിപാടികൾ വാഗ്ദാനം ചെയ്യുന്നത്.
അൽ ഐനിലെ അഡ്നെക് സെന്റർ അറബ് ലോകത്തെ മുൻനിര കലാകാരന്മാരെ അവതരിപ്പിക്കുന്ന രണ്ട് തുടർച്ചയായ സംഗീത കച്ചേരി സംഘടിപ്പിക്കും. 7ന് ഫൗദ് അബ്ദുൽ വഹാദും മഹ്മൂദ് അൽതുർക്കിയും വേദിയിലെത്തും. 8ന് പ്രതിഭാധ ജോഡികളായ അസീൽ ഹമീമും അയ്ദ് യൂസഫും അവതരിപ്പിക്കുന്ന പ്രകടനം. പ്രവേശനം പാസ് മുഖേനയുള്ള ഈ പരിപാടി അഡ്നെക് സെന്ററിലെ അൽ ഖബീസി ഹാൾ 2ലാണ് നടക്കുക (ഗേറ്റ് വൈകുന്നേരം 7 മണിക്ക് തുറക്കും).
ജൂൺ 6 മുതൽ 10 വരെ ജനപ്രിയ ‘കിഡ്‌സ് ഗോ ഫ്രീ’ ഓഫർ യാസ് ഐലൻഡ് വാഗ്ദാനം ചെയ്യുന്നു.
മറക്കാനാവാത്ത ഈദ് ആഘോഷമായിരിക്കുമിത്.
അബൂദബി ഫെരാരി വേൾഡിൽ ഹെന്ന, നെയ്ത്ത്, അറബിക് കാലിഗ്രാഫി, അയാല ഷോകൾ. യാസ് വാട്ടർ വേൾഡിൽ ലാന്റേൺ ലൈറ്റ് പാതകൾ, ഫാൽക്കൺറി ഷോകൾ, പരമ്പരാഗത നൃത്തങ്ങൾ, മധുര പലഹാര വിതരണം.
വാർണർ ബ്രദേഴ്‌സ് വേൾഡിൽ കളിമൺ ക്രാഫ്റ്റിംഗ്, ഫിഷ്‌നെറ്റ് നെയ്ത്ത്, ഐക്കണിക് കഥാപാത്രങ്ങളുള്ള മീറ്റ്-ആൻഡ്-ഗ്രീറ്റുകൾ.
സീ വേൾഡ് അബൂദബിയിൽ മണൽ കല, അറബിക് കാപ്പിയും ഈത്തപ്പഴവും, എട്ട് മേഖലകളിലുടനീളമുള്ള സമുദ്ര സാഹസികതകൾ. സാംസ്കാരിക പ്രദർശനങ്ങൾ, സമ്മാനങ്ങൾ, ഉത്സവ ട്രീറ്റുകൾ.
