ദുബായ് :ആസ്റ്റർ ഖത്തറിലെ നമ്മുടെ മെഡിക്കൽ ഡയറക്ടറും ഇ.എൻ.ടി. കൺസൾട്ടന്റുമായ ഡോ. നാസർ മൂപ്പന്റെ വിയോഗം, അഗാധമായ ദുഖവും, ആഴത്തിലുള്ള നഷ്ടവുമാണ് സൃഷ്ടിച്ചിരിക്കുന്നതെന്ന് ഡോ.
ആസ്റ്റർ ഡി.എം. ഹെൽത്ത്കെയർസ്ഥാപക ചെയർമാൻ അസാദ് മൂപ്പൻ അനുശോചന സന്ദേശത്തിൽ അറിയിച്ചു .ഡോ. നാസർ മെഡിക്കൽ സമൂഹത്തിന്‍റെ തൂണായിരുന്നുവെന്നതുപോലെ, കരുണയുള്ള ഡോക്ടറും പ്രതിബദ്ധത നിറഞ്ഞ നേതൃ മുഖവും, ആസ്റ്റർ കുടുംബത്തിലെ അനേകം സുഹൃത്തുക്കൾക്കിടയിലെ പ്രിയപ്പെട്ട സഹപ്രവർത്തകനുമായിരുന്നുവെന്നും അദ്ദേഹം അഭിപ്രയപ്പെട്ടു . വർഷങ്ങളായി, ഡോ. നാസർ വിശ്വാസ്യതയും, മികവും, സഹാനുഭൂതിയും നിറഞ്ഞ മൂല്യങ്ങൾ ചേർത്തുപിടിച്ച് മറ്റുള്ളവർക്കായുള്ള സേവനത്തിന് തന്റെ ജീവിതം സമർപ്പിച്ചിരുന്നു .ഖത്തറിൽ ആരോഗ്യസംരക്ഷണ മേഖലയ്ക്ക് അദ്ദേഹം നൽകിയ സംഭാവനകൾ മായാതെ നിലകൊള്ളും. അദ്ദേഹത്തിന്റെ കരുതലിലും, പിന്തുണയിലും ആശ്വാസം നേടിയ അനേകം ജീവിതങ്ങളിലൂടെ അദ്ദേഹത്തിന്റെ ഓർമ്മകൾ എന്നും നിലനിൽക്കുമെന്നും താനും ആസ്റ്റർ ഡി.എം. ഹെൽത്ത്കെയർ കുടുംബമൊന്നാകെയും, അദ്ദേഹത്തിന്റെ കുടുംബത്തിനും പ്രിയപ്പെട്ടവർക്കും സഹപ്രവർത്തകർക്കും, അദ്ദേഹത്തെ പരിചയപ്പെട്ട എല്ലാ ആളുകൾക്കും ഹൃദയത്തിൽ നിന്നുള്ള അനുശോചനം രേഖപെടുത്തുന്നുവെന്നും ആസാദ് മൂപ്പൻ പറഞ്ഞു .
അദ്ദേഹത്തിന്റെ ആത്മാവിന് നിത്യ ശാന്തി ലഭിക്കാൻ പ്രാർത്ഥിക്കുന്നു അദ്ദേഹം അറിയിച്ചു .”
