ദുബായ് : ദുബായ് എമിറേറ്റിൽ ഗതാഗതം കൂടുതൽ കാര്യക്ഷമമാക്കുന്നതിന്റെ ഭാഗമായി ചിലയിടങ്ങളിൽ റോഡ്സ് ആൻഡ് ട്രാൻസ്‌പോർട് അതോറിറ്റി (ആർ.ടി.എ) പുതിയ സ്റ്റോപ്പുകൾ തുടങ്ങുകയും ചില റൂട്ടുകളിൽ മാറ്റം വരുത്തുകയും ചെയ്തു.പ്രവേശന ക്ഷമത മെച്ചപ്പെടുത്തുക, യാത്രാ സമയം കുറയ്ക്കുക, പ്രധാന താമസ-വ്യാവസായിക-വികസ്വര മേഖലകളിൽ മികച്ച സേവനം ലഭ്യമാക്കുക എന്നിവയാണ് മാറ്റങ്ങളുടെ ലക്ഷ്യം.
ബസ് റൂട്ടുകളിലെ മാറ്റങ്ങൾ ഇപ്രകാരം:
റൂട്ട് 17: സബ്ഖ ബസ് സ്റ്റേഷന് പകരം ബനിയാസ് സ്‌ക്വയർ മെട്രോ സ്റ്റേഷനിൽ അവസാനിക്കുന്നു.
റൂട്ട് 24: അൽ നഹ്ദ 1-നുള്ളിൽ റൂട്ട് മാറ്റം.
റൂട്ട് 44: റബാത്ത് സ്ട്രീറ്റിൽ നിന്ന് ദുബൈ ഫെസ്റ്റിവൽ സിറ്റിയിലേക്ക് സർവിസ് വഴി തിരിച്ചുവിട്ടു.
റൂട്ട് 56: ഡി.ഡബ്ല്യു.സി സ്റ്റാഫ് വില്ലേജിലേക്ക് പാത നീട്ടി.
റൂട്ട് 66 & 67: അൽ റുവയ്യ ഫാം പ്രദേശത്ത് പുതിയ ബസ് സ്റ്റോപ്പ്.
റൂട്ട് 32സി: അൽ ജാഫിലിയ ബസ് സ്റ്റേഷനും സത്‍വ ബസ് സ്റ്റേഷനും ഇടയിലുള്ള ഭാഗം വെട്ടിക്കുറച്ചു. സത്‌വയിലേയ്ക്ക് പോകുന്ന യാത്രക്കാർക്ക് ഇനി റൂട്ട് എഫ്27 ലേക്ക് മാറ്റാം.
റൂട്ട് സി26: ബസ് സ്റ്റോപ്പ് അൽ ജാഫിലിയ ബസ് സ്റ്റേഷനിൽ നിന്ന് മാക്സ് മെട്രോ ബസ് സ്റ്റോപ്പ് 2ലേക്ക് മാറ്റി.
റൂട്ട് ഇ16: റൂട്ട് ഇപ്പോൾ സബ്ഖയ്ക്ക് പകരം യൂണിയൻ ബസ് സ്റ്റേഷനിൽ അവസാനിക്കുന്നു.
റൂട്ട് എഫ്12: സത്‍വ റൗണ്ട് എബൗട്ടിനും വസൽ പാർക്കിനും ഇടയിലുള്ള ഭാഗം വെട്ടിക്കുറച്ച് കുവൈത്ത് സ്ട്രീറ്റ് വഴി വഴി തിരിച്ചുവിട്ടു.
എഫ്27: ബസ് സ്റ്റോപ്പ് അൽ ജാഫിലിയ ബസ് സ്റ്റേഷനിൽ നിന്ന് മാക്സ് മെട്രോ ബസ് സ്റ്റോപ്പ് 2ലേക്ക് മാറ്റി.
എഫ്47: ജബൽ അലി വ്യവസായ മേഖലക്കുള്ളിൽ റൂട്ട് മാറ്റി.
എഫ്54: ജാഫ്‌സ സൗത്തിലെ പുതിയ ക്യാമ്പിലേയ്ക്ക് റൂട്ട് നീട്ടി.
