ഷാർജ:പ്രവാസി ബുക്സിന്റെ ആഭിമുഖ്യത്തിൽ നടക്കുന്ന പ്രതിമാസ പുസ്തക ചർച്ചകളിൽ സാഹിത്യപ്രേമികളുടെ സാന്നിധ്യം വീണ്ടും വർദ്ധിച്ചു. എഴുത്തുകാരി സബ്ന നസീറിന്റെ ‘ദൈവത്തിൻറെ താക്കോൽ’യും അനുവന്ദനയുടെ ‘നീലാഞ്ജനം’യും കേന്ദ്രപ്പെടുത്തി ഷാർജ ഇന്ത്യൻ അസോസിയേഷൻ ഹാളിൽ നടന്ന ചർച്ച, പ്രവാസി ബുക്സിന്റെ പത്താമത്തെ പരിപാടിയായിരുന്നു. പ്രവാസ ലോകത്തിലെ ഇരുപത് പുസ്തകങ്ങളെ ഇതുവരെ അവതരിപ്പിച്ച പ്രവാസി ബുക്സ്, സാഹിത്യത്തിന്റെ വിസ്തൃതിയും പ്രവാസി വായനക്കാരുടെ പങ്കാളിത്തവും തെളിയിച്ചു.
ചടങ്ങ് പ്രമുഖ എഴുത്തുകാരനും അധ്യാപകനുമായ മുരളി മംഗലത്ത് ഉദ്ഘാടനം ചെയ്തു. പ്രവീൺ പാലക്കീൽ മോഡറേറ്ററായി ചർച്ച നയിച്ചപ്പോൾ രഘുമാഷ് ‘ദൈവത്തിൻറെ താക്കോൽ’യും എം.ഒ.രഘുനാഥ് ‘നീലാഞ്ജനം’യും പരിചയപ്പെടുത്തി സംസാരിച്ചു. സബ്ന നസീറിന്റെ ‘ദൈവത്തിൻറെ താക്കോൽ’ രണ്ടാം പതിപ്പിന്റെയും അനുവന്ദനയുടെ ‘നൗക’ എന്ന കഥാസമാഹാരത്തിന്റെയും കവർ പ്രകാശനം യഥാക്രമം ഷാജി ഹനീഫും എഴുത്തുകാരിയുടെ അമ്മ വാസന്തി നായരും നിർവ്വഹിച്ചു. ‘നീലാഞ്ജനം’ രണ്ടാം പതിപ്പിന്റെ കവർ പ്രകാശനം സിറാജ് നായറും, സത്താർ വൈലത്തൂരിന്റെ പുതിയ പുസ്തകത്തിന്റെ കവർ പ്രകാശനം മുരളി മാഷും ജാസ്മിൻ സമീറും നിർവ്വഹിച്ചു.
ചർച്ചയിൽ ഉണ്ണി കൊട്ടാരത്ത്, റസീന കെ.പി, ബബിത ഷാജി, രാജേശ്വരി പുതുശ്ശേരി, പ്രതിഭ സതീഷ് എന്നിവർ പങ്കെടുത്തു. എഴുത്തുകാരായ സബ്ന നസീറും അനുവന്ദനയും വായനക്കാരുടെ ചോദ്യങ്ങൾക്ക് മറുപടിപ്രസംഗം നടത്തി. ദൃശ്യ ഷൈൻ സ്വാഗതവും വെള്ളിയോടൻ നന്ദിയും പറഞ്ഞു ചടങ്ങിന് സമാപനം കുറിച്ചു.
