ദുബായ് പോലീസിന്റെ പോസിറ്റീവ് സ്പിരിറ്റ് കൗൺസിൽ സംഘടിപ്പിച്ച ഏഴ് ആഴ്ച നീണ്ട ‘ഷേഡ് ആൻഡ് റിവാർഡ്’ ബോധവത്കരണ ക്യാമ്പയിൻ സമാപിച്ചു.
ദുബായ്: തൊഴിലാളികളുടെ ആരോഗ്യവും സുരക്ഷയും ഉറപ്പാക്കുന്നതിനും തൊഴിൽസ്ഥലത്തെ സുരക്ഷാ ബോധവത്കരണം ശക്തിപ്പെടുത്തുന്നതിനുമായി സംഘടിപ്പിച്ച ക്യാമ്പയിനിലൂടെ 1,275 തൊഴിലാളികളിലെത്തി. തൊഴിലിടങ്ങളിലെ ആരോഗ്യ-സുരക്ഷാ മാനദണ്ഡങ്ങൾ പാലിക്കുന്നതിന്റെ പ്രാധാന്യവും മികച്ച ജീവിതനിലവാരം ഉറപ്പാക്കേണ്ടതിന്റെ ആവശ്യകതയും ക്യാമ്പയിനിലൂടെ വിശദീകരിച്ചു.
തൊഴിലാളികളുടെ ക്ഷേമം, തൊഴിൽ സുരക്ഷ, ആരോഗ്യ സംരക്ഷണം എന്നിവ പ്രോത്സാഹിപ്പിക്കുന്നതിനൊപ്പം സമൂഹത്തിൽ പോസിറ്റീവ് മനോഭാവവും സാമൂഹിക ഉത്തരവാദിത്തവും വളർത്തുകയാണ് ക്യാമ്പയിന്റെ ലക്ഷ്യം. ദുബായ് പോലീസിന്റെ വിവിധ സാമൂഹിക സംരംഭങ്ങളുടെ ഭാഗമായി തൊഴിലാളികളുടെ ജീവിത നിലവാരം ഉയർത്തുന്നതിനുള്ള ഇത്തരം പ്രവർത്തനങ്ങൾ തുടരുമെന്നും അധികൃതർ വ്യക്തമാക്കി.
