ഓഗസ്റ്റ് 28 വെള്ളി പൊതു-സ്വകാര്യ മേഖലകൾക്ക് ശമ്പളത്തോടുകൂടിയ അവധിയായിരിക്കുമെന്ന് അധികൃതർ അറിയിച്ചു.
അബുദാബി, ഓഗസ്റ്റ് 14, 2026:നബിദിനത്തോടനുബന്ധിച്ച് യുഎഇയിലെ പൊതു, സ്വകാര്യ മേഖലകൾക്ക് ഓഗസ്റ്റ് 28 വെള്ളിയാഴ്ച ഔദ്യോഗിക അവധി പ്രഖ്യാപിച്ചു.
റബീഉൽ അവ്വൽ 12 ന് വരുന്ന നബിദിനം ഓഗസ്റ്റ് 25 ചൊവ്വാഴ്ചയാണ് രേഖപ്പെടുത്തിയിരിക്കുന്നത്. എന്നാൽ പൊതു-സ്വകാര്യ മേഖലകളിലെ ജീവനക്കാർക്ക് അവധി ഓഗസ്റ്റ് 28 വെള്ളിയാഴ്ചയായിരിക്കുമെന്ന് അധികൃതർ വ്യക്താക്കി. വാരാന്ത്യ അവധി ദിവസങ്ങളായ ശനി, ഞായർ എന്നിവ കൂടി ചേരുമ്പോൾ ജീവനക്കാർക്ക് തുടർച്ചയായി മൂന്ന് ദിവസം അവധി ലഭിക്കും.
മാനവ വിഭവശേഷി, സ്വദേശിവൽക്കരണ മന്ത്രാലയവും ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്സസുമാണ് ഇതുസംബന്ധിച്ച ഉത്തരവ് പുറപ്പെടുവിച്ചത്. യുഎഇ കാബിനറ്റ് അംഗീകരിച്ച ഏകീകൃത അവധി പട്ടിക പ്രകാരം രാജ്യത്തെ പൊതു, സ്വകാര്യ മേഖലകൾക്ക് ഒരുപോലെ അവധി ബാധകമാണ്.
ഓഗസ്റ്റ് 31 തിങ്കളാഴ്ച സ്ഥാപനങ്ങൾ സാധാരണ നിലയിൽ പ്രവർത്തനം പുനരാരംഭിക്കും. അടിയന്തര സേവന വിഭാഗങ്ങളിൽ ജോലി ചെയ്യുന്ന ജീവനക്കാർക്ക് ലേബർ നിയമപ്രകാരമുള്ള ആനുകൂല്യങ്ങൾ ലഭ്യമാക്കുമെന്നും മന്ത്രാലയം അറിയിച്ചു.
