ദുബായ്: ദുബായിലെ രണ്ട് മേഖലകളിൽ കൂടി പെയ്ഡ് പാർക്കിങ് സംവിധാനം ഏർപ്പെടുത്തി. ദുബായിലെ പൊതുപാർക്കിങ് സേവനങ്ങളുടെ പ്രധാന ദാതാക്കളായ പാർക്കിൻ (Parkin) വാഹനയാത്രക്കാർക്കുള്ള അറിയിപ്പിലാണ് ഇക്കാര്യം വ്യക്തമാക്കിയത്.
ഇതിൽ കിഴക്കൻ ദുബായിലെ വാർസൻ ഇൻഡസ്ട്രിയൽ മേഖലയുമുണ്ട്. ഇന്റർനാഷണൽ സിറ്റിക്ക് എതിർവശത്തും ഡ്രാഗൺ മാർട്ടിന് സമീപത്തുമായാണ് ഈ പ്രദേശം സ്ഥിതി ചെയ്യുന്നത്. അൽ വർഖ, ദുബായ് സിലിക്കൺ ഒയാസിസ്, അക്കാദമിക് സിറ്റി എന്നിവയും സമീപത്താണ്.
622T എന്ന കോഡിലാണ് ഈ മേഖലയിലെ പൊതുപാർക്കിങ് നിരക്കുകൾ ഈടാക്കുക. ഞായറാഴ്ച ഒഴികെയുള്ള ദിവസങ്ങളിൽ രാവിലെ 8 മുതൽ രാത്രി 10 വരെയാണ് പെയ്ഡ് പാർക്കിങ് ബാധകമാകുക.
പാർക്കിങ് ഉപയോഗിക്കുന്നവർക്ക് മണിക്കൂറിന് 4.20 ദിർഹം നിരക്കിൽ പണമടച്ച് വാഹനം പാർക്ക് ചെയ്യാം
