ദുബായ്: ദുബായ് എക്സ്പോയിൽ ഇന്നു മുതൽ ആഴ്ചയിൽ 3 ദിവസം വനിതകൾക്കു യോഗ പരിശീലനം നൽകും. ഞായർ, തിങ്കൾ, ചൊവ്വ ദിവസങ്ങളിൽ രാവിലെ 9 മുതൽ 10.30 വരെയുളള പരിശീലനത്തിൽ എക്സ്പോ ടിക്കറ്റുള്ളവർക്കു പങ്കെടുക്കാം. സയ്ന അസ്സാഫ് നേതൃത്വം നൽകും. ഗ്ലോഫോക്സ് (GloFox) ആപ് വഴി സീറ്റുകൾ ബുക്ക് ചെയ്യാം. പങ്കെടുക്കുന്നവർ ഷീറ്റും ടവലും കൊണ്ടുവരണം. വാഹനങ്ങൾക്കു സൗജന്യ പാർക്കിങ് ഉണ്ടാകും. ആരോഗ്യ ജീവിതത്തിലേക്കു നയിക്കുകയെന്ന ലക്ഷ്യത്തിന്റെ ഭാഗമായാണ് യോഗ സംഘടിപ്പിക്കുന്നതെന്നു സംഘാടകർ അറിയിച്ചു.
