കോവിഡ്_19 കേസുകൾ ദിനംപ്രതി വർധിച്ചു വരുന്ന സാഹചര്യത്തിൽ പുത്തൻ സുരക്ഷാ നിർദ്ദേശങ്ങളുമായി
നാഷണൽ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌മെന്റ് അതോറിറ്റി (എൻസിഇഎംഎ).
യുഎഇയിലുടനീളമുള്ള ഇൻഡോർ വേദികളിൽ മാസ്ക് ധരിക്കുന്നത് നിർബന്ധമാക്കിയിരിക്കുന്നു.COVID-19 വൈറസിന്റെ വ്യാപനത്തെ ചെറുക്കുന്നതിന് യുഎഇ ഫെയ്സ് മാസ്ക് നിയമങ്ങൾ അനിവാര്യമാണെന്ന് ട്വീറ്റിലൂടെ അറിയിച്ചു. തിരക്കേറിയ പ്രദേശങ്ങൾ ഒഴിവാക്കാനുള്ള കൂട്ടുത്തരവാദിത്തത്തെക്കുറിച്ച് പൊതുജനങ്ങളെ ഓർമ്മിപ്പിക്കുകയും യാത്ര ചെയ്യുമ്പോൾ ആവശ്യമായ എല്ലാ മുൻകരുതലുകളും എടുക്കണമെന്നും അറിയിച്ചു.
യുഎഇ നിവാസികളും സന്ദർശകരും പൊതുഗതാഗതവും ടാക്സി പോലുള്ള ഗതാഗത സേവനങ്ങളും ഉപയോഗിക്കുമ്പോൾ മാസ്ക് ധരിക്കുന്നത് തുടരണം.
പബ്ലിക് പ്രോസിക്യൂഷൻ നമ്പർ (38) 2020 പ്രകാരം യുഎഇ ഫെയ്സ് മാസ്ക് നിയമങ്ങളുടെ ലംഘനത്തിന് 3000 ദിർഹം വരെ പിഴ ചുമത്തുമെന്നും എൻസിഇഎംഎ അറിയിപ്പ് നൽകിയിട്ടുണ്ട്.
