ഷാർജ: വൻ വിലക്കുറവും ആകർഷകമായ ഓഫറുകളുമായി ഷാർജയിൽ വീണ്ടും ‘സ്പ്രിങ് ഷോപ്പർ സെയിൽ’ എത്തുന്നു. Expo Centre Sharjah യിൽ വ്യാഴാഴ്ച മുതൽ ഫെബ്രുവരി 15 വരെ ലിസ് എക്സിബിഷന്റെ നേതൃത്വത്തിലാണ് മേള സംഘടിപ്പിക്കുന്നത്.
ഫാഷൻ, വീട്ടുപകരണങ്ങൾ, ലൈഫ്സ്റ്റൈൽ ഉൽപ്പന്നങ്ങൾ, സ്പോർട്സ് സാമഗ്രികൾ തുടങ്ങി കുടുംബത്തിലെ എല്ലാവർക്കും ആവശ്യമായ വിപുലമായ ഉൽപ്പന്ന ശേഖരമാണ് ഒരുക്കിയിരിക്കുന്നത്. എക്സ്പോ സെന്ററിലെ ഹാൾ 2, 4 എന്നിവിടങ്ങളിൽ രാവിലെ 11 മുതൽ രാത്രി 11 വരെ മേള തുറന്നിരിക്കും.
11 ദിവസം നീളുന്ന സെയിലിൽ കഴിഞ്ഞ വർഷങ്ങളിലെ പോലെ മുൻനിര ബ്രാൻഡുകൾ അണിനിരക്കുന്നുണ്ടെന്ന് ലിസ് എക്സിബിഷൻ സി.ഇ.ഒ ജേക്കബ് വർഗീസ് അറിയിച്ചു. പ്രവാസി കുടുംബങ്ങൾക്കും യു.എ.ഇയിലെ താമസക്കാർക്കും വസന്തകാല ഷോപ്പിംഗ് ആഘോഷമാക്കാനുള്ള മികച്ച അവസരമാണിതെന്നും അദ്ദേഹം കൂട്ടിച്ചേർത്തു.
Babyshop, LC Waikiki, Max Fashion, Splash, Skechers, Cotton On തുടങ്ങി നിരവധി പ്രമുഖ ബ്രാൻഡുകൾ സെയിലിൽ പങ്കെടുക്കുന്നു.
പ്രവേശന ടിക്കറ്റ് നിരക്ക് 5 ദിർഹമാണ്. 12 വയസ്സിന് താഴെയുള്ള കുട്ടികൾക്ക് പ്രവേശനം സൗജന്യമാണ്. പാർക്കിംഗ് സൗകര്യവും സൗജന്യമായി ലഭിക്കും.
