അജ്മാൻ: റമദാന്‍ മാസത്തോടനുബന്ധിച്ച് എമിറേറ്റിൽ വാഹനങ്ങളുടെ പാര്‍ക്കിങ് സമയങ്ങള്‍ പ്രഖ്യാപിച്ചു. അജ്മാന്‍ നഗരസഭ ആസൂത്രണ വകുപ്പാണ് ഇത് സംബന്ധിച്ച തീരുമാനം കൈകൊണ്ടത്.
വെള്ളിയാഴ്ചയും പൊതു അവധി ദിനങ്ങളും ഒഴികെ ആഴ്ചയിലെ എല്ലാ ദിവസവും പാർക്കിങ് പ്രവർത്തനം രണ്ട് ഷിഫ്റ്റുകളിലായിരിക്കുമെന്ന് അധികൃതർ അറിയിച്ചു.
പുതുക്കിയ സമയക്രമം
- രാവിലെ 9:00 മുതൽ ഉച്ചയ്ക്ക് 1:00 വരെ
- രാത്രി 8:00 മുതൽ 12:00 വരെ
വെള്ളിയാഴ്ചകളിലും പൊതു അവധി ദിവസങ്ങളിലും പാർക്കിങ് സൗജന്യമായിരിക്കുമെന്ന് നഗരസഭ അധികൃതർ വ്യക്തമാക്കി.
റമദാനിലെ പ്രത്യേക സമയക്രമം പരിഗണിച്ചാണ് പുതിയ പാർക്കിങ് ക്രമീകരണം നടപ്പിലാക്കുന്നതെന്ന് വകുപ്പ് അറിയിച്ചു.
