ദുബായ്: ദുബായ് ഇൻവെസ്റ്റ്മെന്റ് പാർക്ക് മേഖലയിലേക്കുള്ള ഗതാഗതം സുഗമമാക്കാൻ പുതിയ ഫ്ലൈ ഓവർ തുറന്ന് ദുബായ് റോഡ്സ് ആൻഡ് ട്രാൻസ്പോർട്ട് അതോറിറ്റി. യുഎഇയുടെ ദേശീയ റെയിൽ‌വേ ശൃംഖലയായ ഇത്തിഹാദ് റെയിലുമായി സഹകരിച്ചാണ് ഫ്ലൈ ഓവർ നിർമിച്ചത്.അൽ യലായിസ് സ്ട്രീറ്റിലെ ഗതാഗതം മെച്ചപ്പെടുത്താനും ദുബായ് ഇൻവെസ്റ്റ്മെന്റ് പാർക്കിലേക്കും പുറത്തേക്കും ഗതാഗതം സുഗമമാക്കാനും 1.8 കിലോമീറ്റർ ദൈർഘ്യമുള്ള ഫ്ലൈ ഓവർ സഹായിക്കുമെന്ന് ആർടിഎ അറിയിച്ചു.ദുബായിൽ നിന്ന് വരുന്ന വാഹനങ്ങൾക്ക് വലത്തേക്ക് തിരിയുന്ന സ്ലിപ്പ് റോഡും, ഷെയ്ഖ് സായിദ് റോഡിലേക്കായി പുറത്തു കടക്കുന്നവർക്ക് വലത്തേക്ക് തിരിയുന്ന സ്ലിപ്പ് റോഡും ഈ ഫ്ലൈ ഓവറിലുണ്ട്.
യുഎഇയുടെ ദേശീയ റെയില്‍വേ ശൃംഖലയില്‍ ട്രെയിനുകളുടെ സുഗമമായ സഞ്ചാരം ഉറപ്പുവരുത്താൻ ഇതിലൂടെ സാധിക്കുമെന്നാണ് വിലയിരുത്തൽ.ട്രെയിനുകളും വാഹനങ്ങളും ഒരേ നിലയിലാക്കി നിര്‍ത്തുന്നതിലൂടെ പ്രദേശത്തെ ഗതാഗതം സുഗമമായ നിലനിര്‍ത്താനും സാധിക്കും. ഭാവിയിൽ ജുമൈറ ഗോൾഫ് എസ്റ്റേറ്റുകളിലേക്ക് ഫ്ലൈ ഓവർ നീട്ടും.
