ദുബൈ: ദുബൈയെയും ഷാർജയെയും ബന്ധിപ്പിച്ചുകൊണ്ട് പുതിയ ഇന്റർസിറ്റി ബസ് സർവിസ് (റൂട്ട് E308) ആരംഭിക്കുന്നതായി റോഡ് ആൻഡ് ട്രാൻസ്പോർട്ട് അതോറിറ്റി (ആർടിഎ) അറിയിച്ചു.2025 മെയ് രണ്ട് മുതൽ പുതിയ റൂട്ട് ദുബൈയിലെ സ്റ്റേഡിയം ബസ് സ്റ്റേഷനും ഷാർജയിലെ അൽ ജുബൈൽ ബസ് സ്റ്റേഷനും ഇടയിൽ സർവിസ് നടത്തും. വൺവേ ടിക്കറ്റ് നിരക്ക് 12 ദിർഹം ആയി നിശ്ചയിച്ചിട്ടുണ്ട്.”പബ്ലിക് ബസ് നെറ്റ് വർക്ക് വികസിപ്പിക്കുകയും മെട്രോ, ട്രാം, മറൈൻ സർവിസുകൾ തുടങ്ങിയ മറ്റ് ഗതാഗത മാർഗങ്ങളുമായുള്ള സംയോജനം വർധിപ്പിക്കുകയും ചെയ്യുക എന്നതാണ് ആർടിഎ യുടെ ലക്ഷ്യം.” “എമിറേറ്റിലെ ഗതാഗതത്തിൽ പബ്ലിക് ട്രാൻസ്പോർട്ടിന് പ്രാധാന്യം നൽകുന്നതിന് ഇന്റർസിറ്റി കണക്റ്റിവിറ്റി മെച്ചപ്പെടുത്തുന്നത് വളരെ പ്രധാനമാണ്,” എന്ന് ആർടിഎ യുടെ പബ്ലിക് ട്രാൻസ്പോർട്ട് ഏജൻസിയിലെ പ്ലാനിംഗ് ആൻഡ് ബിസിനസ് ഡെവലപ്മെന്റ് ഡയറക്ടർ അഡൽ ഷക്കേരി വ്യക്തമാക്കി.
