ദുബായ് :ലോകമാകമാനം വ്യാപിച്ചുകിടക്കുന്ന 1995ൽ അമേരിക്കയിൽ ആരംഭിച്ച മലയാളികളുടെ കൂട്ടായ്മയായ വേൾഡ് മലയാളി കൗൺസിൽ ദുബായ് പ്രോവിൻസിന്റെ 2025-27 എക്സിക്യൂട്ടീവ് കമ്മറ്റിയുടെ ആദ്യ യോഗം ദേരയിലുള്ള ഏഷ്യാന ഹോട്ടലിൽ നടന്നു. ചെയർമാൻ ഷാബുസുൽത്താൻ, പ്രസിഡന്റ് ജോൺ ഷാരി, സെക്രട്ടറി റജി ജോർജ്, ട്രഷറാർ ജോൺ ബേബി, വി പി അഡ്മിൻ സന്തോഷ് വർഗീസ്‌ തുടങ്ങിയവർ നയിച്ച യോഗത്തിൽ 40 അംഗ എക്സിക്യൂട്ടീവ് കമ്മറ്റി അടുത്ത രണ്ടു വർഷത്തേക്കുള്ള കലണ്ടർ പ്രോഗ്രാമുകൾക്ക് അംഗീകാരം നൽകുകയുണ്ടായി. ഒപ്പം മലയാളി ബിസിനസ്സ്‌ കുടുംബങ്ങളെ ഒരുമിപ്പിച്ചുകൊണ്ട്‌ ഒരു ബിസിനസ്സ്‌ കൗൺസിലിന്‌ രൂപം നൽകി Dr. ശിവകുമാർ ഹരിഹരൻ ആ കൌൺസിൽ ന്റെ ചുമതല നൽകുകയും ചെയ്തു. വിവിധ ബിസിനസ്സ്‌ സമ്മിറ്റുകൾക്ക്‌ ആരംഭം കുറിക്കാൻ എക്സിക്യൂട്ടീവ് കമ്മിറ്റി തീരുമാനിച്ചു.അംഗങ്ങൾക്കും അവരുടെ കുടുംബാങ്ങങ്ങൾക്കുമിടയിൽ മാനസികമായും ശാരീരികമായും ഉള്ള ഉയർച്ച ലക്ഷ്യമിട്ടുകൊണ്ടു നിരവധി പരിപാടികളാണ് പദ്ധതിയിട്ടിരിക്കുന്നത്. ഷബ്‌ന സുധീറിന്റെ നേതൃത്വത്തിലുള്ള വനിതാവിഭാഗവും ദിയ നമ്പ്യാർ നയിക്കുന്ന യൂത്ത്‌ വിഭാഗവും കൂടിചേർന്നായിരിക്കും പരിപാടികൾ ആവിഷ്കരിക്കുക. കലയെയും സാഹിത്യത്തെയും ചേർത്തുപിടിക്കുക വഴി കായികപരമായും അംഗങ്ങളിൽ കൂടുതൽ വിജ്ഞാനവും വിനോദവും പ്രദാനം ചെയ്യുന്ന തരത്തിൽ വർഷത്തിലുടനീളം നിരവധി വർക്ക്ഷോപ്പുകൾ സംഘടിപ്പിക്കുമെന്ന് പ്രസിഡന്റ് ജോൺ ഷാരി അറിയിച്ചു. അംഗങ്ങളുടെ കഴിവുകളെ പ്രോത്സാഹിപ്പിക്കുന്നതിന്റെ ഭാഗമായി ഒരു ഇ മാഗസിൻ, ജൂലൈ അവസാനവാരം ബാങ്കോക്കിൽ വെച്ചുനടക്കുന്ന ഗ്ലോബൽ ബിനായിൽ കോൺഫറൻസിൽ വെച്ച് പുറത്തിറക്കുന്നതുമാണെന്നു ചെയർമാൻ ഷാബുസുൽത്താൻ അറിയിച്ചു. വൈവിദ്ധ്യം കലർന്ന പരിപാടികൾ ആവിഷ്കരിക്കുന്നതിൽ ബഷീർ ഷംനാദ്, Dr. രമേശ്‌ നമ്പിയാർ, ടൈറ്‌സ് ജോസഫ് , ബിജു ഇടിക്കുള, ലേഡീസ് ഫോറം പ്രസിഡന്റ് – ഷബ്‌ന സുധീർ , ട്രഷറിർ and ട്രാവൽ കോർഡിനേറ്റർ – നസീമ മജീദ് എന്നിവർ അവരുടെ വിലപ്പെട്ട നിർദ്ദേശങ്ങൾ സമർപ്പിച്ചു. ബാങ്കോക്കിൽ 500 പേർ പങ്കെടുക്കുന്ന WMC ഗ്ളോബൽ ബയനിയല്‍ കോൺഫെറൻസിൽ 60 ൽ പരം പ്രതിനിധികളാണ് ദുബായ് പ്രൊവിൻസിൽ നിന്നും പങ്കെടുക്കുന്നതെന്നു ഗ്ലോബൽ കോൺഫെറൻസ് കോർഡിനേറ്റർ സുധീർ സുബ്രഹ്മണ്യനും ഗ്ലോബൽ ഗ്ലോബൽ പ്രസിഡന്റ് , യൂത് വിങ് രേഷ്മ റെജിയും അറിയിക്കുകയുണ്ടായി. WMC ദുബയ് പ്രോവിൻസിന്റെ വെബ്സൈറ്റിന്റെ പ്രവർത്തനങ്ങൾ ശ്രീ ശിവകുമാർ ഏകോപിപ്പിക്കും. നിരവധി പ്രൊഫഷണൽ ഡോക്ടർമാരും സംരംഭകരും അതുപോലെ തന്നെ വിവിധ മേഖലകളിൽ പ്രവർത്തിക്കുന്നവരും ഒരേ മനസ്സോടെ ചേർന്നതാണ് ഈ കൂട്ടായ്മയെന്ന് അഡ്വൈസറി ബോർഡ് അംഗങ്ങളായ ശ്രീ പ്രദീപ് പൂഗാടൻ, സുധീർ സുബ്രഹ്മണ്യൻ, രാജു തേവർ മഠം, അരുൺ ജോർജ് എന്നിവർ പറഞ്ഞു. യോഗത്തിൽ രാജീവ് പിള്ള നിരവധി സ്ട്രാറ്റജിക് പ്ലാനുകൾ അവതരിപ്പിക്കുകയും അത് നടപ്പിലാക്കാൻ ധാരണയുമായി.
