ഷാർജ: വാഹനമോടിക്കുന്നതിനിടെയുണ്ടായ തെറ്റിദ്ധാരണയെത്തുടർന്ന് നടുറോഡിൽ ഇറങ്ങി വഴക്കിട്ട രണ്ട് അറബ് പൗരന്മാരായ ഡ്രൈവർമാർക്കെതിരെ ഷാർജ പോലീസ് നിയമനടപടി സ്വീകരിച്ചു. വാക്കാലുള്ളതും ശാരീരികവുമായ ആക്രമണം നടന്നതിനെത്തുടർന്ന് 2 പേരേയും പബ്ലിക് പ്രോസിക്യൂഷന് റഫർ ചെയ്തു.
ഇത്തരം സംഭവങ്ങൾ സോഷ്യൽ മീഡിയയിൽ ചിത്രീകരിക്കുന്നതും പ്രസിദ്ധീകരിക്കുന്നതും ഒഴിവാക്കേണ്ടതിന്റെ ആവശ്യകതയും ഷാർജ പോലീസ് ഓർമ്മിപ്പിച്ചു . ഇത് ശിക്ഷാർഹമായ നിയമ ലംഘനമാണ്.ഇത്തരം പെരുമാറ്റങ്ങൾക്കെതിരെ ഷാർജ പോലീസ് കർശനമായി നടപടിയെടുക്കും. ആത്മനിയന്ത്രണത്തിന്റെ പ്രാധാന്യം, ദൈനംദിന സാഹചര്യങ്ങളിൽ ബോധവാന്മാരായിരിക്കുക, പ്രതികൂല പ്രതികരണങ്ങൾക്ക് പിന്നിൽ വഴുതിവീഴാതിരിക്കുക എന്നിവയെല്ലാം ശ്രദ്ധിക്കേണ്ടതാണെന്ന് സമഗ്ര പോലീസ് കേന്ദ്രങ്ങളുടെ ജനറൽ അഡ്മിനിസ്ട്രേഷൻ ഡയറക്ടർ ജനറൽ കേണൽ ഇബ്രാഹിം മുസ്ബ അൽ-അജാജ് പറഞ്ഞു.കൂടാതെ ഇത്തരം കേസുകളോ ഏതെങ്കിലും ദുരാചാരങ്ങളോ നിയമവിരുദ്ധ പ്രവർത്തനങ്ങളോ 901 വഴി റിപ്പോർട്ട് ചെയ്യാനും പൊതുജനങ്ങളോട് ആവശ്യപ്പെട്ടിട്ടുണ്ട്.
