ഷാർജ:അക്കാഫ് വനിതാ വിഭാഗം സംഘടിപ്പിക്കുന്ന നൂപുരധ്വനി സീസൺ -3 ജൂൺ 1 നു, ഉച്ചക്ക് 2 മണി മുതൽ ഷാർജ സഫാരി മാളിൽ നടക്കും . വൈവിധ്യങ്ങളായ പരിപാടികളോടെ ഏറെ പുതുമകളോടെ സംഘടിപ്പിക്കുന്ന നൂപുരധ്വനി സീസൺ 3 വേറിട്ടൊരു അനുഭവമായിരിക്കുമെന്നു സംഘാടകർ അറിയിച്ചു. വനിതകളുടെ സർഗ്ഗശേഷിയുടെ മകുടോദാഹരണമാവും ഈ പരിപാടി. വനിതാ കൂട്ടായ്മകൾക്ക് അഭിമാനവും ആഹ്‌ളാദവും നിറയുന്ന തെരഞ്ഞെടുത്ത പരിപാടികളുടെ ആവിഷ്കാരം ആണ് നടക്കുക . നൂപുരധ്വനി
സീസൺ 3 യുടെ കൃത്യമായ നടത്തിപ്പിന് അഞ്ജു ജോബർട്ട് (സെന്റ് തെരസാസ് കോളേജ്, എറണാകുളം), രശ്മി റോയ് (വിമല കോളേജ് തൃശൂർ )എന്നിവർ ജനറൽ കൺവീനർമാരും, പുഷ്പ മഹേഷ്‌(എം. ജി. കോളേജ് തിരുവനന്തപുരം ) റസീന റഫീഖ് (മലബാർ ക്രിസ്ത്യൻ കോളേജ്, കോഴിക്കോട്) എന്നിവർ ജോയിന്റ് കൺവീനർമാരുമായ വിപുലമായ കമ്മിറ്റി നേതൃത്വം നൽകുന്നു. അക്കാഫ് വനിതാ വിഭാഗം ചെയർ പേഴ്സൺ റാണി സുധീർ, പ്രസിഡന്റ് വിദ്യാ പുതുശ്ശേരി, ജനറൽ സെക്രട്ടറി രശ്മി ഐസക്
വൈസ് പ്രസിഡന്റ് ശ്രീജ സുരേഷ്, സിന്ധു ജയറാം, ജോ. സെക്രട്ടറി മുന ഉല്ലാസ് എന്നിവർ പരിപാടികൾ പൂർണമായും ഏകോപിപ്പിക്കുന്നു.പ്രവേശനം സൗജന്യമാണ്.
