ദുബായ്: യുഎഇയുടെ വടക്കൻ എമിറേറ്റുകളിൽ ഇന്ന് മഴ ലഭിച്ചു .തിങ്കളാഴ്ച വൈകുന്നേരം വീണ്ടും റാസൽ ഖൈമയും ഫുജൈറയും ഉൾപ്പെടെയുള്ള പ്രദേശങ്ങളിൽ നേരിയ മഴ ലഭിച്ചു. രാജ്യത്തെ കിഴക്കൻ, വടക്കൻ മേഖലകളിലായി മഴ മേഘങ്ങൾ രൂപപ്പെട്ടതിനെ തുടർന്ന് മഞ്ഞ ,ഓറഞ്ച് മുന്നറിയിപ്പുകൾ ദേശീയ കാലാവസ്ഥാ കേന്ദ്രം (NCM) പുറപ്പെടുവിച്ചിട്ടുണ്ട്.യുഎഇയിലെ പല ഭാഗങ്ങളിലും കഴിഞ്ഞ ദിവസങ്ങളിൽ തുടർച്ചയായമായി നേരിയതും മിതമായതുമായ മഴ ലഭിക്കുമെന്ന് മുന്നറിയിപ്പ് നൽകിയിരുന്നു .ഒറ്റപ്പെട്ട ഇടങ്ങളിൽ മഴയും പെയ്തിരുന്നു . റാസൽ ഖൈമയിലെ സുഹൈല, അൽ ഗൈൽ പ്രദേശങ്ങളും, ഷാർജയിലെ ലവ്വീദിദ്, ഫുജൈറയിലെ അൽ ഹന്യ, മസാഫി പ്രദേശങ്ങളിലും ആണ് മഴ ലഭിച്ചത് .ദേശീയ കാലാവസ്ഥാ കേന്ദ്രം അറിയിച്ചതനുസരിച്ച്, വരുന്ന ബുധനാഴ്ച വരെ മഴയ്ക്ക് സാധ്യതയുണ്ട്. കൂടാതെ, പടിഞ്ഞാറൻ മേഖലകളിൽ ചില ഭാഗങ്ങളിൽ മൂടൽമഞ്ഞ് രൂപപ്പെടാനും സാധ്യതയുണ്ടെന്ന് മുന്നറിയിപ്പുണ്ട്.
