ദുബായ് മെട്രോ ബ്ലൂ ലൈൻ : ആദ്യസ്റ്റേഷന് ഷെയ്ഖ് മുഹമ്മദ് തറക്കല്ലിട്ടു

ദുബായ്: യുഎഇയുടെ വൈസ് പ്രസിഡന്റും പ്രധാനമന്ത്രിയും ദുബായുടെഭരണാധികാരിയുമായ ഹിസ്ഹൈനസ് ഷെയ്ഖ് മുഹമ്മദ് ബിൻ റാശിദ് അൽ മക്തൂം, ദുബായ് മെട്രോ ബ്ലൂ ലൈൻ പദ്ധതിയുടെ ആദ്യ സ്റ്റേഷന്റെ തറക്കല്ലിട്ടു .
തൻ്റെ ഔദ്യോഗിക എക്സ് (X) പേജിലൂടെയാണ് ഷെയ്ഖ് മുഹമ്മദ് ആണ് ഈ വിവരം അറിയിച്ചത്. “ദുബായുടെ പ്രശസ്തമായ നഗരചിഹ്നങ്ങളിൽ പുതിയൊരു ആകർഷക ഘടനയായി മാറാനിരിക്കുന്ന ദുബായ് മെട്രോയുടെ ബ്ലൂലൈൻ സ്റ്റേഷന്റെ തറക്കല്ലിടൽ ആണ് ഇന്ന് നിർവ്വഹിച്ചു എന്നാണ് അദ്ദേഹത്തിന്റെ പോസ്റ്റ്.
56 ബില്യൺ ദിർഹം ചെലവിൽ നിർമ്മിക്കുന്ന ബ്ലൂലൈൻ 30 കിലോമീറ്റർ ദൈർഘ്യമുള്ളതായിരിക്കും. ഇതിൽ 15.5 കിലോമീറ്റർ ഭൂമിക്കടിയിലൂടെയും 14.5 കിലോമീറ്റർ ഭൂമിക്ക് മുകളിലൂടെയുമാണ് പാത നിർമ്മിക്കുക.ഇതോടെ ദുബായ് മെട്രോയുടെ മൊത്തം ദൈർഘ്യം 131 കിലോമീറ്ററാകും, സ്റ്റേഷനുകളുടെ എണ്ണം 78 ആയി ഉയരും.14 സ്റ്റേഷനുകൾ ഉള്ള ബ്ലൂ ലൈൻ, ഗ്രീൻ ലൈനിലെ ക്രീക്ക് സ്റ്റേഷൻ, റെഡ് ലൈനിലെ സെന്റർപോയിന്റ് സ്റ്റേഷൻ, ദുബായ് ഇന്റർനാഷണൽ സിറ്റി സ്റ്റേഷൻ 1 എന്നിവയുമായി കണക്റ്റുചെയ്യും. ദുബായ് ക്രീക്ക് ഹാർബറിലെ ഐകോണിക് സ്റ്റേഷനും ഈ ലൈനിന്റെ ഭാഗമായിരിക്കും.

ദുബായെ കൂടുതൽ വികസിപ്പിക്കാൻ തങ്ങൾപുതിയ പദ്ധതികൾ തുടർന്നുകൊണ്ടിരിക്കുന്നുവെന്നും ലോകത്തിൽ ജീവിക്കാൻ ഏറ്റവും മികച്ച നഗരമായി ദുബായെ നിർമ്മിക്കുകയാണ് തങ്ങളുടെ ലക്ഷ്യമെന്നും ഷെയ്ഖ് മുഹമ്മദ് വീണ്ടും ഉറപ്പുനൽകി