ദുബായ് :ദുബായിലെ ഇന്ത്യൻ കോൺസുലേറ്റുമായി ചേർന്ന് അസോസിയേഷൻ ഓഫ് കേരള മെഡിക്കൽ & ഡെന്റൽ ഗ്രാജുവേറ്റ്സ് ( എ. കെ.എം.ജി എമറേറ്റ്സ് ) നടപ്പിലാക്കുന്ന ഗ്രീഷ്മകാല സാമൂഹിക സേവന പ്രവർത്തനമായ ബീറ്റ് ദ ഹീറ്റ് – ഹീറ്റ് സ്ട്രോക്ക് അവബോധ ക്യാംമ്പെയ്ൻ ആരംഭിക്കുന്നു.
ജൂൺ 15-ന് ഞായറാഴ്ച, ദുബായ് ഡിഐപിയിലെ ലേബർ ക്യാംപിൽ ഇന്ത്യൻ കോൺസുലേറ്റിലെ ലേബർ കോൺസൽ പബിത്ര കുമാർ മജുമ്ദാർ, ക്യാം ബെയ്ൻ ഔപചാരികമായി ഉദ്ഘാടനം ചെയ്യും.
കടുത്ത വേനലിൽ, തുറന്ന ഇടങ്ങളിൽ ജോലി ചെയ്യുന്ന തൊഴിലാളികളിൽ ഹീറ്റ്സ്ട്രോക്ക് പോലുള്ള താപസംബന്ധമായ അസുഖങ്ങളെക്കുറിച്ചുള്ള അവബോധം വർധിപ്പിക്കുക, തടയാനുള്ള മാർഗങ്ങളും സുരക്ഷിതമായ ജോലി സാഹചര്യങ്ങളും പ്രോത്സാഹിപ്പിക്കുക തുടങ്ങിയവയാണ് ഈ സമയോചിതമായ ക്യാംബെയിനിന്റെ പ്രധാന ലക്ഷ്യങ്ങൾ. അടുത്ത 15 ആഴ്ചകളിലായി, യു.എ.ഇയിലെ വിവിധ ലേബർ ക്യാംപുകളും ജോലി സ്ഥലങ്ങളുമാണ് ഈ ക്യാംമ്പെയ്ൻ വഴി ലക്ഷ്യമിടുന്നത്.
“2003-ൽ സ്ഥാപിതമായതുമുതൽ തന്നെ, സമൂഹത്തിന്റെ ആരോഗ്യ ആവശ്യങ്ങൾ നേരിടുന്നതിൽ എകെഎംജി പ്രതിബദ്ധമായി പ്രവർത്തിച്ചിരുന്നു. ഇപ്പോഴത്തെ ഉഷ്ണതയിൽ ഹീറ്റ്സ്ട്രോക്ക് അവബോധം അത്യന്താപേക്ഷിതവും പ്രസക്തവുമാണ്. “ഈ പ്രവർത്തനത്തിന് കോൺസുലേറ്റിന്റെ പിന്തുണ ലഭിച്ചതിൽ ഞങ്ങൾ വളരെ സന്തുഷ്ടരാണ്. അത് ഈ ആരോഗ്യ സുരക്ഷാ പദ്ധതിക്ക് കൂടുതൽ വ്യാപനവും സ്വീകാര്യതയും നൽകും,” എന്ന് എകെഎംജി എമിറേറ്റ്സ് പ്രസിഡന്റ് ഡോ. സുഗു മലയിൽ കോശി പറഞ്ഞു.
“ബീറ്റ് ദ ഹീറ്റ് ” ക്യാംബെയിനിന്റെ ഓരോ സെഷനിലും ഹീറ്റ്സേഫ്റ്റിയെക്കുറിച്ചുള്ള വിദ്യാഭ്യാസപ്രഭാഷണങ്ങൾ, അവബോധ പത്രികകളുടെ വിതരണം, വിവിധ വിദഗ്ധവിഭാഗങ്ങളിലെ ഡോക്ടർമാരുമായി തൊഴിലാളികൾക്ക് സംവദിക്കാനുള്ള അപൂർവ അവസരങ്ങൾ എന്നിവ ഉൾക്കൊള്ളുന്നതായിരിക്കും.“യു.എ.ഇ സർക്കാരിന്റെ ഇയർ ഓഫ് ദ കമ്യൂണിറ്റി എന്ന പദ്ധതിയുമായി ഐക്യദാർഡ്യം പ്രകടിപ്പിക്കുന്നതിനും, കരുതലുമുള്ള ഒരു സമൂഹം നിർമ്മിക്കുന്നതിനും ഈ പദ്ധതി സഹായകമാകും,” എന്ന് ക്യാംബെയിൻ ചീഫ് ഓർഗനൈസർ ഡോ. നിത സലാം പറഞ്ഞു.
