ദുബായ് ,കോഴിക്കോട് :കോഴിക്കോട് സർവ്വകലാശാലയിൽ വെച്ച് നടന്ന ജില്ലാതല അക്വാട്ടിക് ചാമ്പ്യൻഷിപ്പിൽ കാലിക്കറ്റ് യൂണിവേഴ്സിറ്റി സ്വിമ്മിംഗ് അക്കാദമിക്ക് വേണ്ടി പങ്കെടുത്ത ഏഴിന മത്സരങ്ങളിൽ ആറ് ഗോൾഡ് മെഡലും ഒരു സിൽവർ മെഡലും ഹയാൻ ജാസിർ കരസ്ഥമാക്കി. തുടർച്ചയായി മൂന്നാം തവണയാണ് ജില്ലാ അക്വാട്ടിക് ചാമ്പ്യൻഷിപ്പിൽ മെഡലുകൾ നേടുന്നത്.ഫിൻ സ്വിമ്മിങ്ങിൽ തുടർച്ചയായി മൂന്ന് തവണ ദേശീയതലത്തിൽ ഗോൾഡ് മെഡലുകൾ കരസ്ഥമാക്കിയിട്ടുണ്ട്.ദുബായിലെ കടലിൽ വെച്ച് നടക്കാറുള്ള ഓപ്പൺ വാട്ടർ നീന്തൽ മത്സരങ്ങളിലും നിരവധി മെഡലുകൾ കരസ്ഥമാക്കിയിട്ടുണ്ട്.ദുബായ് ഇന്ത്യൻ ഹൈസ്കൂളിലെ ഒമ്പതാം ക്ലാസ് വിദ്യാർത്ഥിയും മലയാളം മിഷൻ ദുബായ് ചാപ്റ്ററിലെ കിസൈസ് കണിക്കൊന്ന പഠന കേന്ദ്രത്തിലെ നീലാംബരി ക്ലാസിലെ വിദ്യാർത്ഥിയുമാണ്.പൊന്നാനി സ്വദേശികളായ ജാസിറിന്റെയും നുസ്രത്തിന്റെയും മകനാണ്.
