ദുബായ്: യുഎഇയിൽ ഹിജ്‌റി പുതുവർഷത്തോടനുബന്ധിച്ച് (1447 AH) പ്രഖ്യാപിച്ച അവധി ദിനത്തിലെ തങ്ങളുടെ ഓഫീസ് പ്രവർത്തന സമയം – ദുബായ് ജി ഡി ആർ എഫ് എ പ്രഖ്യാപിച്ചു. 2025 ജൂൺ 27 വെള്ളിയാഴ്ചയാണ് ഈ വർഷത്തെ ഹിജ്‌റി പുതുവർഷ അവധി.ഈ ദിവസത്തിൽ , ദുബായ് അന്താരാഷ്ട്ര വിമാനത്താവളത്തിലെ ടെർമിനൽ 3 (അറൈവൽസ് ഹാൾ) ലെ കസ്റ്റമർ ഹാപ്പിനസ് സെന്ററിൽ 24 മണിക്കൂറും സേവനം ലഭ്യമാകും . കൂടാതെ, അൽ അവിറിലെ കസ്റ്റമർ ഹാപ്പിനസ് സെന്റർ രാവിലെ 6:00 മുതൽ രാത്രി 8:00 വരെ തുറന്നുപ്രവർത്തിക്കുന്നതായിരിക്കുമെന്ന് ജി ഡി ആർ എഫ് എ ദുബായ് അറിയിച്ചു.
അവധി ദിനങ്ങളിലും കാര്യക്ഷമവും തടസ്സമില്ലാത്തതുമായ സേവനങ്ങൾ ഉറപ്പാക്കുമെന്നും ഉപഭോക്താക്കൾക്ക് സേവനങ്ങൾ എളുപ്പത്തിൽ ലഭ്യമാക്കാനും ഇടപാടുകൾ കൃത്യസമയത്ത് പൂർത്തിയാക്കാനും ആവശ്യമായ നടപടികൾ സ്വീകരിച്ചിട്ടുണ്ടെന്നും ജി ഡി ആർ എഫ് എ കൂട്ടിച്ചേർത്തു.തങ്ങളുടെ ഡിജിറ്റൽ സേവനങ്ങൾ ഔദ്യോഗിക വെബ്സൈറ്റായ www.gdrfad.gov.ae വഴിയും GDRFA ദുബായ്, DubaiNow മൊബൈൽ ആപ്ലിക്കേഷനുകൾ വഴിയും 24 മണിക്കൂറും ലഭ്യമാണെന്ന് അധികൃതർ അറിയിച്ചു. സമയവും പ്രയത്നവും ലാഭിക്കാനും ഉപഭോക്തൃ അനുഭവം മെച്ചപ്പെടുത്താനും ഈ പ്ലാറ്റ്‌ഫോമുകൾ ഉപയോഗിക്കാൻ ഇത് പൊതുജനങ്ങളെ പ്രോത്സാഹിപ്പിക്കുന്നു. കൂടാതെ, സേവനങ്ങളുമായി ബന്ധപ്പെട്ട എല്ലാ ചോദ്യങ്ങൾക്കും പിന്തുണയും ഉത്തരങ്ങളും നൽകുന്നതിനായി 24 മണിക്കൂറും പ്രവർത്തിക്കുന്ന “ആമർ” കോൾ സെന്ററിലേക്ക് ടോൾ ഫ്രീ നമ്പറായ 8005111-ൽ വിളിച്ച് ഉപയോക്താകൾക്ക് ബന്ധപ്പെടാം.
