ദുബായ്: എമിറാത്തി വനിതാ ദിനം ദുബായ് താമസ കുടിയേറ്റ വകുപ്പ് (ജിഡിആർഎഫ്എ)പ്രൗഢമായി ആഘോഷിച്ചു. ‘കൈ കോർത്ത്, നമ്മൾ 50-ാം വാർഷികം ആഘോഷിക്കുന്നു’ എന്ന പ്രമേയത്തിലായിരുന്നു ആഘോഷം.സ്ഥാപനത്തിലെ വനിതാ മുന്നേറ്റക്കാരെയും വഴികാട്ടികളെയും ചടങ്ങിൽ പ്രത്യേകം ആദരിച്ചു.ജിഡിആർഎഫ്എയുടെ പ്രധാന കാര്യാലയത്തിൽ നടന്ന പരിപാടിയിൽ മേധാവി ലഫ്റ്റനന്റ് ജനറൽ മുഹമ്മദ് അൽ മർറി, ഉപമേധാവി മേജർ ജനറൽ ഉബൈദ് മുഹൈർ ബിൻ സുറൂർ, മറ്റ് ഉന്നത ഉദ്യോഗസ്ഥർ തുടങ്ങിയവർ പങ്കെടത്തു. എമിറാത്തി സ്ത്രീകളുടെ ഉന്നത പദവിയെയും രാജ്യത്തിന്റെ വികസനത്തിലുള്ള അവരുടെ പങ്കിനെയും കുറിച്ച് ലഫ്. ജനറൽ മുഹമ്മദ് അഹ്‌മദ്‌ അൽ മർറി സംസാരിച്ചു. തുടർന്ന്, എമിറാത്തി സ്ത്രീകളുടെ യാത്രയിലെ പ്രധാന നാഴികക്കല്ലുകൾ അടയാളപ്പെടുത്തിയ ഒരു ഡോക്യുമെന്ററിയും ചടങ്ങിൽ പ്രദർശിപ്പിച്ചു.സ്ഥാപനത്തിലെ മികച്ച വനിതാ വ്യക്തിത്വങ്ങളെ ആദരിക്കുന്നതിനായി ആരംഭിച്ച “ജിഡിആർഎഫ്എ ദുബായ് പയനിയേഴ്സ് അവാർഡ്” ചടങ്ങിൽ വിതരണം ചെയ്തു. തങ്ങളുടെ കഴിവും സമർപ്പണവും കൊണ്ട് വേറിട്ടുനിന്ന 44 വനിതാ ജീവനക്കർക്ക് പുരസ്കാരങ്ങൾ നൽകി കൂടാതെ, 30 വർഷത്തിലധികം സേവനം പൂർത്തിയാക്കിയ വനിതാ ജീവനക്കാരെ ആദരിക്കുകയും ചെയ്തു.ഖുസൈബ അലി അൽ ദഹ്മാനിയെ അതിഥി ആദരവായി ചടങ്ങിൽ വിശേഷിപ്പിച്ചു.രാജ്യത്തിന്റെ പുരോഗതിയിൽ സ്ത്രീകൾക്ക് വലിയ പങ്കുണ്ടെന്നും, സ്ത്രീകളെ പിന്തുണയ്ക്കുന്നതിനും ശാക്തീകരിക്കുന്നതിനും ജിഡിആർഎഫ്എ പ്രതിജ്ഞാബദ്ധമാണെന്നും ജനറൽ ഡയറക്ടറേറ്റ് അറിയിച്ചു.
ഇതൊരു വെറുമൊരു ആഘോഷമല്ലെന്നും, രാഷ്ട്രമാതാവ് ഷെയ്ഖ ഫാത്തിമ ബിൻത് മുബാറക് ആരംഭിച്ച സ്ത്രീ ശാക്തീകരണ യാത്രയെ ആദരിക്കുന്ന ഒരു ദേശീയ അവസരമാണിതെന്നും ലഫ്. ജനറൽ മുഹമ്മദ് അഹ്‌മദ്‌ അൽ മർറി പറഞ്ഞു. കൂടാതെ, സ്ത്രീകളെ കൂടുതൽ നേതൃത്വപരമായ റോളുകളിലേക്ക് കൊണ്ടുവരാൻ ശ്രമിക്കുമെന്നും അദ്ദേഹം കൂട്ടിച്ചേർത്തു.
