ദുൽഖർ സൽമാൻ്റെ വേഫെറർ ഫിലിംസ് നിർമ്മിച്ച ഏഴാമത്തെ ചിത്രമായ ലോക – ചാപ്റ്റർ വൺ: ചന്ദ്ര ബോക്സ് ഓഫീസിൽ വിജയഗാഥ തുടർന്നു കുറിക്കുന്നു. റിലീസ് ചെയ്ത് വെറും 13 ദിവസങ്ങൾക്കുള്ളിൽ 200 കോടി രൂപയുടെ ആഗോള കളക്ഷൻ പിന്നിട്ടുകൊണ്ട് ചിത്രം മലയാള സിനിമയുടെ ചരിത്രത്തിൽ ഇടം നേടി. മലയാളത്തിൽ നിന്ന് ഈ നേട്ടം കൈവരിക്കുന്ന നാലാമത്തെ ചിത്രമാണ് ലോക, ഇതോടെ ദുൽഖറിന്റെ കരിയറിലെ തന്നെ വലിയൊരു നേട്ടമായി ചിത്രം മാറി.
ഡൊമിനിക് അരുൺ രചനയും സംവിധാനവും ചെയ്ത ഈ ബിഗ് ബജറ്റ് ചിത്രത്തിൽ കല്യാണി പ്രിയദർശൻ, നസ്‌ലെൻ എന്നിവർ പ്രധാന വേഷങ്ങളിൽ എത്തുന്നു. റിലീസിനൊടുവിൽ തന്നെ മികച്ച പ്രേക്ഷക പ്രതികരണം നേടിയ ചിത്രം, കേരളത്തിനകത്തും പുറത്തും റെക്കോർഡ് കളക്ഷൻ നേടി മുന്നേറുകയാണ്. ‘ഓൾ ടൈം ബ്ലോക്ക്ബസ്റ്റർ’ പട്ടികയിൽ ശക്തമായി സ്ഥാനം ഉറപ്പിച്ചിരിക്കുന്ന ലോക, ഇപ്പോഴും തീയറ്ററുകളിൽ നിറഞ്ഞ പ്രേക്ഷക പിന്തുണയിലാണ്.
