ദുബായ്:ദുബായിലെ ലിവാൻ ജില്ലയിൽ കോൺഫിഡന്റ് ഗ്രൂപ്പ് അവരുടെ പുതുമയേറിയ പ്രോജക്ടായ ‘കോൺഫിഡന്റ് പ്രസ്റ്റൺ’യുടെ നിർമാണം ഔദ്യോഗികമായി ആരംഭിച്ചു. ദക്ഷിണേന്ത്യയിൽ നിന്ന് ആരംഭിച്ച് ‘സീറോ-ഡെബ്റ്റ്’ റിയൽ എസ്റ്റേറ്റ് മോഡലിലൂടെ വിശ്വാസ്യത നേടിയ കോൺഫിഡന്റ് ഗ്രൂപ്പിന്റെ യു.എ.ഇ. വിപുലീകരണത്തിന്‍റെ ഭാഗമായാണ് ഈ നീക്കം. ദുബായിലെ ആഡംബര റിയൽ എസ്റ്റേറ്റ് വികസനത്തിൽ പുതുവഴിത്തിരിവ് തീർക്കുന്ന ചടങ്ങിന് നിരവധി പ്രമുഖരും വ്യവസായ പ്രതിനിധികളും സാക്ഷിയായി.
കോൺഫിഡന്റ് ഗ്രൂപ്പ് ദുബായ് മാനേജിംഗ് ഡയറക്ടർ റോഹിത് റോയ് ചടങ്ങിൽ അധ്യക്ഷത വഹിച്ചു. അദ്ദേഹം നിർമാണത്തിന് ഔദ്യോഗിക തുടക്കം കുറിച്ചപ്പോൾ കമ്പനിയുടെ യു.എ.ഇ. പ്രവർത്തനങ്ങളിൽ തന്റെ നേതൃത്വ പങ്ക് വീണ്ടും ഊന്നിപ്പറഞ്ഞു. കോൺഫിഡന്റ് ഗ്രൂപ്പ് ചെയർമാൻ ഡോ. റോയ് സി.ജെ ചടങ്ങിൽ പങ്കെടുത്ത് കമ്പനിയുടെ ദുബായ് വളർച്ചാ പദ്ധതികളെയും ഭാവി കാഴ്ചപ്പാടുകളെയും അവതരിപ്പിച്ചു.
“ദുബായിലെ പ്രോജക്ടുകൾ വഴി ആഡംബരവും നവീകരണവും സമൂഹ മൂല്യങ്ങളും ഒരുമിപ്പിക്കുന്ന അതുല്യമായ താമസ പരിചയം നൽകുക എന്നതാണ് കോൺഫിഡന്റ് ഗ്രൂപ്പിന്റെ ലക്ഷ്യം” എന്ന് ഡോ. റോയ് സി.ജെ ചടങ്ങിൽ പ്രസ്താവിച്ചു. “പ്രസ്റ്റൺ, കമ്പനിയുടെ ഉന്നത നിലവാരത്തിന്റെയും സ്ഥിരതയുടെയും തെളിവാണ്” എന്നും അദ്ദേഹം കൂട്ടിച്ചേർത്തു.
കോൺഫിഡന്റ് ലാങ്കാസ്റ്റർ പ്രോജക്ടിന്റെ വിജയം കമ്പനിയുടെ ദുബായ് മാർക്കറ്റിലെ വിശ്വാസ്യത ശക്തിപ്പെടുത്തിയതായി ചടങ്ങിൽ ഓർമ്മപ്പെടുത്തി. ലോഞ്ച് ചെയ്തതിന് ശേഷം കുറച്ച് മാസങ്ങൾക്കുള്ളിൽ തന്നെ വിറ്റഴിക്കപ്പെട്ട ലാങ്കാസ്റ്റർ 2024 ജൂണിൽ 11 മാസത്തിനകം പൂർത്തിയാക്കിയത് കോൺഫിഡന്റിന്റെ സമയബന്ധിതമായ നിർമാണ മാതൃകയ്‌ക്ക് തെളിവായി. കൈമാറ്റത്തിന് ശേഷമുള്ള മാസങ്ങളിൽ തന്നെ പ്രോപ്പർട്ടി മൂല്യവർധന ലഭിച്ചതും നിക്ഷേപകരുടെ ആത്മവിശ്വാസം കൂട്ടി.
“ലാങ്കാസ്റ്ററിനുണ്ടായ അമിത പ്രതികരണം നമ്മുടെ സമീപനത്തെ ശരിവെച്ചു. പ്രസ്റ്റൺ അതിനേക്കാളും ഉയർന്ന നിലവാരത്തിൽ, സുസ്ഥിരമായ ഡിസൈൻകളും നവീന ആശയങ്ങളുമായി ഉയർന്നുവരും” എന്ന് റോഹിത് റോയ് പറഞ്ഞു. “ഗുണമേന്മയിൽ വിട്ടുവീഴ്ചയില്ലാതെ 16 മാസത്തിനകം പ്രസ്റ്റൺ പൂർത്തിയാക്കാനാണ് ഞങ്ങളുടെ ലക്ഷ്യം” എന്നും അദ്ദേഹം കൂട്ടിച്ചേർത്തു.
