പുതിയ അധ്യയന വർഷത്തിന് മുന്നോടിയായി ഹോം ഫൈബർ, വയർലെസ് ഇൻ്റർനെറ്റ്, സ്മാർട്ട് ഡിവൈസുകൾ എന്നിവയ്ക്ക് വൻ ആനുകൂല്യങ്ങളുമായി യുഎഇ ടെലികോം ഓപ്പറേറ്ററായ ഡു.
ദുബായ്, ഓഗസ്റ്റ് 21, 2026:പുതിയ അധ്യയന വർഷത്തിന് തുടക്കമാകാനിരിക്കെ ഉപഭോക്താക്കൾക്കായി വൻ ആനുകൂല്യങ്ങളോടെ ബാക്ക് ടു സ്കൂൾ ഓഫറുകൾ പ്രഖ്യാപിച്ച് യുഎഇ ടെലികോം ഓപ്പറേറ്ററായ ‘ഡു’ (Emirates Integrated Telecommunications Company).
തിരഞ്ഞെടുത്ത പവർ പ്ലാനുകൾക്ക് ആദ്യ ആറുമാസത്തേക്ക് 50 ശതമാനം വരെ വിലക്കുറവാണ് കമ്പനി വാഗ്ദാനം ചെയ്യുന്നത്. പുതിയ അധ്യയന വർഷത്തിൽ വിദ്യാർത്ഥികൾക്കും കുടുംബങ്ങൾക്കും കുറഞ്ഞ ചെലവിൽ മികച്ച ഡിജിറ്റൽ കണക്റ്റിവിറ്റി ഉറപ്പാക്കുകയാണ് ഈ പദ്ധതിയിലൂടെ ലക്ഷ്യമിടുന്നത്.
വാർഷിക പ്രീപേഡ് ഫ്ലെക്സി (Flexi) പ്ലാനുകൾ തിരഞ്ഞെടുക്കുന്ന ഉപഭോക്താക്കൾക്ക് സാധാരണ ആനുകൂല്യങ്ങൾക്ക് പുറമെ 60 ജിബി അധിക മൊബൈൽ ഡാറ്റയും ലഭിക്കും. യാത്രകളിലും മറ്റും തടസ്സമില്ലാത്ത ഇൻ്റർനെറ്റ് ഉപയോഗം ഉറപ്പാക്കാൻ ഇത് സഹായിക്കും.
ഗാർഹിക ഇൻ്റർനെറ്റ് സേവനങ്ങൾക്കും ഡു ആകർഷകമായ ഇളവുകൾ പ്രഖ്യാപിച്ചിട്ടുണ്ട്. ഹോം ഫൈബർ (Home Fibre) കണക്ഷനുകൾക്ക് 20 ശതമാനവും ഹോം വയർലെസ് (Home Wireless) പ്ലാനുകൾക്ക് 10 ശതമാനവും ഡിസ്കൗണ്ട് ലഭിക്കും. ഇതിനുപുറമെ, പഠനാവശ്യങ്ങൾക്ക് അനുയോജ്യമായ ലാപ്‌ടോപ്പുകൾ, സ്മാർട്ട് ഡിവൈസുകൾ, അനുബന്ധ ഉപകരണങ്ങൾ എന്നിവയും ഓഫർ വിലയിൽ ലഭ്യമാക്കിയിട്ടുണ്ട്.
വേനലവധിക്ക് ശേഷം സ്കൂളുകൾ തുറക്കുന്ന ഓഗസ്റ്റ് അവസാനത്തോടെ യുഎഇയിൽ മൊബൈൽ, ഗാർഹിക ഇൻ്റർനെറ്റ് സേവനങ്ങൾക്കുള്ള ആവശ്യക്കാരുടെ എണ്ണം വർധിക്കാറുണ്ട്. ഇത് മുൻനിർത്തിയാണ് രാജ്യത്തെ പ്രമുഖ ടെലികോം സേവനദാതാക്കൾ ഇത്തരം സീസണൽ ഓഫറുകൾ അവതരിപ്പിക്കുന്നത്.
ഓഫറുകളുടെ വിശദവിവരങ്ങളും നിബന്ധനകളും ഡുവിൻ്റെ ഔദ്യോഗിക വെബ്സൈറ്റിലും റീട്ടെയിൽ ഔട്ട്ലെറ്റുകളിലും ലഭ്യമാണ്.
