കൊൽക്കത്ത: ട്വന്‍റി20 ലോകകപ്പിലെ ഒന്നാം സെമിഫൈനലിൽ ദക്ഷിണാഫ്രിക്ക ന്യൂസിലൻഡിന് മുന്നിൽ 170 റൺസിന്റെ വിജയലക്ഷ്യം കുറിച്ചു. കിവീസ് ബൗളർമാർക്ക് മുന്നിൽ തുടക്കത്തിൽ തകർന്ന പ്രോട്ടീസ് ബാറ്റിങ് നിരയെ ട്രിസ്റ്റൻ സ്റ്റബ്സും മാർകോ യാൻസനും ചേർന്നാണ് ഭേദപ്പെട്ട സ്കോറിലേക്ക് എത്തിച്ചത്.
ഒരു ഘട്ടത്തിൽ അഞ്ചിന് 77 എന്ന നിലയിൽ പ്രതിസന്ധിയിലായിരുന്ന ദക്ഷിണാഫ്രിക്കയെ ഇരുവരും ചേർന്ന് 150 കടത്തി. പുറത്താകാതെ 55 റൺസ് നേടിയ Marco Jansen ആണ് ടീമിന്റെ ടോപ് സ്കോറർ. Dewald Brevis 34 റൺസും Tristan Stubbs 29 റൺസും നേടി. നിശ്ചിത 20 ഓവറിൽ എട്ട് വിക്കറ്റ് നഷ്ടത്തിൽ ദക്ഷിണാഫ്രിക്ക 169 റൺസ് നേടി.
ടോസ് നഷ്ടപ്പെട്ട് ബാറ്റിങ്ങിനിറങ്ങിയ ദക്ഷിണാഫ്രിക്കയെ രണ്ടാം ഓവറിൽ തന്നെ കിവീസ് ഞെട്ടിച്ചു. Quinton de Kock (10), Ryan Rickelton (0) എന്നിവർ വേഗത്തിൽ പുറത്തായി. മൂന്നാം വിക്കറ്റിൽ ബ്രെവിസും ക്യാപ്റ്റൻ ഏയ്ഡൻ മാർക്രവും ചേർന്ന് ചെറിയ തിരിച്ചുവരവ് നടത്തി.
എട്ടാം ഓവറിൽ ഇടംകൈ സ്പിന്നർ Rachin Ravindra മാർക്രത്തെ പുറത്താക്കി. പിന്നീട് എത്തിയ David Miller (6) നെ കൂടി പുറത്താക്കി രചിൻ പ്രോട്ടീസിനെ വീണ്ടും പ്രതിരോധത്തിലാക്കി. പിന്നാലെ James Neesham ബ്രെവിസിനെയും പുറത്താക്കിയതോടെ 10.2 ഓവറിൽ അഞ്ചിന് 77 എന്ന നിലയിലായിരുന്നു ദക്ഷിണാഫ്രിക്ക.
ആറാം വിക്കറ്റിൽ ഒന്നിച്ച സ്റ്റബ്സും യാൻസനും ചേർന്ന് 47 പന്തിൽ 73 റൺസ് കൂട്ടുകെട്ട് ചേർത്തതോടെ ദക്ഷിണാഫ്രിക്കയുടെ സ്കോർ 150 കടന്നു. ന്യൂസിലൻഡിനായി മാറ്റ് ഹെന്റി, രചിൻ രവീന്ദ്ര, കോൾ മക്കോൺചി എന്നിവർ രണ്ട് വിക്കറ്റ് വീതം വീഴ്ത്തി.
ഗ്രൂപ്പ് മത്സരത്തിൽ ദക്ഷിണാഫ്രിക്കയോട് തോറ്റ ന്യൂസിലൻഡിന് സെമിയിൽ തിരിച്ചടിക്കാനുള്ള അവസരമാണിത്.
Marco Jansen’s unbeaten 55 guided South Africa to 169/8 after a top-order collapse against New Zealand in the T20 World Cup semifinal, setting the Kiwis a target of 170 runs at Eden Gardens.
