സിനിമാറ്റിക്, സ്പോർട്സ് ദൃശ്യാനുഭവവുമായി ടി.സി.എൽ ഏറ്റവും പുതിയ മിനി എൽഇഡി ടിവി സീരീസുമായി യുഎഇ വിപണിയിൽ

ദുബൈ: ഉപഭോക്തൃ ഇലക്ട്രോണിക്സ് രംഗത്തെ ആഗോള മുൻനിര ബ്രാൻഡും ലോകത്തിലെ നമ്പർ വൺ മിനി എൽഇഡി, അൾട്രാ ലാർജ് സ്‌ക്രീൻ ടിവി (75 ഇഞ്ചിന് മുകളിൽ) ബ്രാൻഡുമായ ടി.സി.എൽ, 2026 ലെ പുതിയ എസ്‌ക്യുഡി-മിനി എൽഇഡി (SQD-Mini LED) ടിവി സീരീസ് യുഎഇയിൽ അവതരിപ്പിച്ചു.

ദുബൈയിലെ ഡൗൺടൗണിൽ സംഘടിപ്പിച്ച പ്രത്യേക മീഡിയ ലോഞ്ച് ചടങ്ങിലാണ് ടി.സി.എൽ പുതിയ സി7എൽ, സി8എൽ, ഫ്‌ളാഗ്ഷിപ്പ് എക്‌സ്11എൽ മോഡലുകൾ അവതരിപ്പിച്ചത്.

ടി.സി.എലിന്റെ ഏറ്റവും പുതിയ എസ്‌ക്യുഡി-മിനി എൽഇഡി സാങ്കേതികവിദ്യ ഉപയോഗിച്ചുള്ള ഈ ടെലിവിഷൻ സീരീസ്, മികച്ച സിനിമാറ്റിക് വർണ വിന്യാസത്തോടെ തെളിമയാർന്ന കാഴച അനുഭവം നൽകുന്നതിന് വേണ്ടി മെച്ചപ്പെട്ട ഹാലോ വെളിച്ച നിയന്ത്രണവും, ബാംഗ് & ഒലുഫ്‌സെൻ ഓഡിയോ വിനോദാനുഭവം എന്നിവ ഉപഭോക്താക്കൾക്ക് നൽകുന്നു.

സിനിമ, സ്പോർട്സ്, കോൺസോൾ ഗെയിമിംഗ്, ദൈനംദിന ഹോം എന്റർടൈൻമെന്റ് എന്നിവയിൽ പുതിയ ടിവി സീരീസ് നൽകുന്ന വിസ്മയങ്ങൾ അനുഭവങ്ങൾ പകരുന്ന പ്രത്യേക ഇന്ററാക്ടീവ് സോണുകളും ചടങ്ങിൽ സജ്ജീകരിച്ചിരുന്നു.

യുഎഇ ഉപഭോക്താക്കൾക്കായി ഏറ്റവും പുതിയ മിനി എൽഇഡി സാങ്കേതികവിദ്യയിലൂടെ വലിയ സ്‌ക്രീൻ വിനോദാനുഭവം നൽകുന്നതിൽ തങ്ങൾ പ്രതിജ്ഞാബദ്ധരാണെന്ന് ടി.സി.എൽ അധികൃതർ ചടങ്ങിൽ അറിയിച്ചു. ഈ ലോഞ്ച് മേഖലയിലെ പ്രധാന നാഴികക്കല്ലായാണ് വിലയിരുത്തപ്പെടുന്നത്. തെളിച്ചം, നിറശുദ്ധി, കോൺട്രാസ്റ്റ് കൃത്യത, വലിയ സ്‌ക്രീൻ വിനോദാനുഭവം എന്നിവ പുനർനിർവചിക്കുന്ന രീതിയിലാണ് പുതിയ ടിവി ശ്രേണി രൂപകൽപ്പന ചെയ്തിരിക്കുന്നത്.

ഉപഭോക്താക്കളുടെ വിനോദാനുഭവം പുനർനിർവചിക്കുന്ന രീതിയിലാണ് പുതിയ ടിവി സീരീസ് രൂപകൽപ്പന ചെയ്തിരിക്കുന്നതെന്ന് ടി.സി.എൽ മിഡിൽ ഈസ്റ്റിന്റെ ജനറൽ മാനേജർ വിക് ഷെൻ പറഞ്ഞു.

“ലോകത്തിലെ നമ്പർ വൺ മിനി എൽഇഡി, അൾട്രാ ലാർജ് സ്‌ക്രീൻ ടിവി ബ്രാൻഡെന്ന നിലയിൽ, പ്രീമിയം ഡിസ്പ്ലേ നവീകരണത്തിന്റെ സാധ്യതകൾ വ്യാപിപ്പിക്കുന്നതിൽ ടി.സി.എൽ പ്രതിബദ്ധമാണെന്ന് അദ്ദേഹം കൂട്ടിച്ചേർത്തു.

നിലവിലെ ക്യൂഡി-മിനി എൽഇഡി സാങ്കേതികവിദ്യയെക്കാൾ മെച്ചപ്പെട്ട രൂപത്തിലാണ് ടി.സി.എലിന്റെ പുതിയ എസ്‌ക്യുഡി-മിനി എൽഇഡി സാങ്കേതികവിദ്യ വികസിപ്പിച്ചിരിക്കുന്നതെന്നും കൂടുതൽ കൃത്യവും സ്ഥിരതയുള്ളതുമായ നിറാനുഭവം നൽകാൻ ഇതിന് കഴിയുമെന്നും വിക് ഷെൻ പറഞ്ഞു. വലിയ സ്‌ക്രീൻ പ്രീമിയം ടിവികളുടെ ഡിമാൻഡ് യുഎഇയിൽ വർധിക്കുന്ന സാഹചര്യത്തിലാണ് പുതിയ സീരീസ് അവതരിപ്പിച്ചിരിക്കുന്നത്. സിനിമാറ്റിക് സ്പോർട്സ് വീക്ഷണം, ഗെയിമിംഗ്, സ്മാർട്ട് ഹോം അനുഭവങ്ങൾ എന്നിവയ്ക്കായി 75 ഇഞ്ചിന് മുകളിലുള്ള ടിവികളിലേക്ക് ഉപഭോക്താക്കൾ കൂടുതൽ മാറിക്കൊണ്ടിരിക്കുകയാണെന്ന് ടി.സി.എൽ വ്യക്തമാക്കി.

വിപണിയിലിറക്കിയ 2026 സീരിസിൽ സി7എൽ SQD-മിനി എൽഇഡി ടിവി, സി8എൽ SQD-മിനി എൽഇഡി ടിവി, എക്‌സ്11എൽ SQD-മിനി എൽഇഡി ടിവി എന്നീ മൂന്ന് വ്യത്യസ്ത പ്രീമിയം വിഭാഗങ്ങളാണ് ഉൾപ്പെടുത്തിയിരിക്കുന്നത്. ഇതിൽ, സി7എൽ SQD-മിനി എൽഇഡി ടിവി, പുതിയ തലമുറ മിനി എൽഇഡി അനുഭവം നൽകുന്ന എൻട്രി-ലെവൽ മോഡലാണ്. സിനിമാപ്രേമികൾക്കും സ്പോർട്സ് ആരാധകർക്കും അനുയോജ്യമായ സി8എൽ SQD-മിനി എൽഇഡി ടിവി മോഡൽ 65 മുതൽ 98 ഇഞ്ച് വരെ വലുപ്പങ്ങളിൽ ലഭ്യമാണ്. അതേസമയം, എക്‌സ്11എൽ SQD-മിനി എൽഇഡി ടിവി ടി.സി.എലിന്റെ ഫ്‌ളാഗ്ഷിപ്പ് മോഡലാണ്. ഏകദേശം 2 സെ.മീ വരെ മാത്രം കനം വരുന്ന ഫ്ലാറ്റ്-തിൻ പ്രൊഫൈലും ‘വെർച്വലി സീറോ ബോർഡർ’ ഡിസൈനും ഇതിന്റെ ആകർഷണങ്ങളാണ്. 75, 85, 98 ഇഞ്ച് വലുപ്പങ്ങളിൽ ഇത് ലഭ്യമാണ്.

പ്രീമിയം മൂല്യവും, ഫ്‌ളാഗ്ഷിപ്പ് നിലവാരവും, അത്യുന്നത ദൃശ്യാനുഭവവും ഒരുമിച്ച് നൽകുന്ന 2026 എസ്‌ക്യുഡി-മിനി എൽഇഡി ടിവി ശ്രേണിയിലൂടെ പ്രീമിയം ഹോം എന്റർടൈൻമെന്റ് രംഗത്തെ മുൻനിര സ്ഥാനം കൂടുതൽ ശക്തിപ്പെടുത്താനാണ് ടി.സി.എൽ ലക്ഷ്യമിടുന്നത്.

ടി.സി.എൽ സി7എൽ, സി8എൽ, എക്‌സ്11എൽ മോഡലുകൾ യുഎഇയിലെ പ്രമുഖ റീട്ടെയിൽ, ഇ-കൊമേഴ്‌സ് പ്ലാറ്റ്ഫോമുകൾ വഴി ലഭ്യമാണ്.