ഷാർജ: രാജ്യത്തിന്റെ സുവർണ ജൂബിലി ആഘോഷത്തിന്റെ ഭാഗമായി ഷാർജ ബുക്ക് അതോറിറ്റിയും എമിറേറ്റ്സ് റൈറ്റേഴ്സ് യൂണിയനും സാഹിത്യ ആഘോഷങ്ങൾ പ്രഖ്യാപിച്ചു.
ഇതിന്റെ ഭാഗമായി ഒരു വർഷക്കാലം സാഹിത്യ പരിപാടികൾ സംഘടിപ്പിക്കുന്നതിനും സാംസ്കാരിക സംരംഭങ്ങൾ ആരംഭിക്കുന്നതിനുമായി ഷാർജ ബുക്ക് അതോറിറ്റി (എസ്ബിഎ) എമിറേറ്റ്സ് റൈറ്റേഴ്സ് യൂണിയനുമായി (ഇഡബ്ല്യുയു) പങ്കാളിത്ത കരാർ ഒപ്പിട്ടു.
ഈ പങ്കാളിത്തം ഒരു വർഷത്തിനുള്ളിൽ തങ്ങളുടെ സംയുക്ത ശ്രമങ്ങൾ കാര്യക്ഷമമാക്കുകയും അസാധാരണമായ സംഭാവനകളും സംരംഭങ്ങളും അനാവരണം ചെയ്യാനും ഇടയാക്കുമെന്ന് EWU ഡയറക്ടർ ബോർഡ് ചെയർമാൻ സുൽത്താൻ അൽ അമീമി പറഞ്ഞു.
