ഹുറാകാൻ നൽകി ഉറുസ് വാങ്ങി; ലംബോർഗിനി എസ്.യു.വി. സ്വന്തമാക്കി നടൻ പൃഥ്വിരാജ്.
4.35 കോടി രൂപയായിരുന്നു 2019-ൽ ഈ വാഹനത്തിന്റെ എക്‌സ്‌ഷോറൂം വില.
WEB DESK by WEB DESK June 22, 2022
ഹുറാകാൻ നൽകി ഉറുസ് വാങ്ങി; ലംബോർഗിനി എസ്.യു.വി. സ്വന്തമാക്കി നടൻ പൃഥ്വിരാജ്.
മലയാള സിനിമതാരങ്ങളിലെ ഏക ലംബോർഗിനി ഉടമയായ പൃഥിരാജ് സുകുമാരന്റെ ഗ്യാരേജിലേക്ക് വീണ്ടും ലംബോർഗിനിയുടെ മറ്റൊരു വാഹനം കൂടി എത്തിയിരിക്കുകയാണ്. ലംബോർഗിനിയുടെ എസ്.യു.വി. മോഡലായ ഉറുസാണ് പൃഥ്വിരാജിന്റെ വാഹന ശേഖരത്തിൽ ഏറ്റവുമൊടുവിൽ എത്തിയിരിക്കുന്നത്.എന്നാൽ, ഇത് പുതിയ വാഹനമല്ലെന്നാണ് റിപ്പോർട്ട്. 2019-ൽ രജിസ്റ്റർ ചെയ്ത വാഹനമാണ് അദ്ദേഹം സ്വന്തമാക്കിയിരിക്കുന്നത്.വില സംബന്ധിച്ച വിവരം ലഭ്യമായിട്ടില്ല.
കേരളത്തിലെ പ്രീമിയം യൂസ്ഡ് കാർ ഡീലർഷിപ്പായ റോയൽ ഡ്രൈവിൽ നിന്നാണ് കേരളാ രജിസ്‌ട്രേഷനിലുള്ള ലംബോർഗിനി ഉറുസ് അദ്ദേഹം സ്വന്തമാക്കിയിരിക്കുന്നത്.4.35 കോടി രൂപയായിരുന്നു 2019-ൽ ഈ വാഹനത്തിന്റെ എക്‌സ്‌ഷോറൂം വിലയെന്നാണ് വിലയിരുത്തൽ.അതേസമയം, അദ്ദേഹത്തിന്റെ കൈവശം നിലവിലുള്ള ലംബോർഗിനി ഹുറാകാൻ എക്‌സ്‌ചേഞ്ച് ചെയ്താണ് പൃഥ്വിരാജ് ഉറുസ് എസ്.യു.വി. സ്വന്തമാക്കിയിട്ടുള്ളതെന്നാണ് റിപ്പോർട്ടുകൾ.
