കേരള പ്രവാസി ക്ഷേമ ബോർഡിൽ നിന്നുമുള്ള പ്രവാസി പെൻഷൻ ഉൾപ്പെടെയുളള ആനുകൂല്യങ്ങൾ സമയബന്ധിതമായി തീർപ്പാക്കി നടപടി പൂർത്തീകരിക്കുന്നതിനായി 01/08/2022 മുതൽ pravasikerala.org എന്ന വെബ്സൈറ്റ് മുഖേന ലോഗിൻ ചെയ്ത് ബന്ധപ്പെട്ട അപേക്ഷകൾ ഓൺലൈൻ ആയി സമർപ്പി ക്കേണ്ടതാണ്. വളരെയധികം അപേക്ഷകൾ പരിശോധിച്ച് സമയബന്ധിതമായി തീർപ്പാക്കേണ്ടതിനാൽ ഓഫ്ലൈൻ അപേക്ഷകൾ സ്വീകരിക്കുന്നതല്ല. ഓൺലൈൻ അപേക്ഷകളെ സംബന്ധിച്ച തൽസ്ഥിതി വിവരങ്ങൾ അംഗത്തിന്റെ ലോഗിനിൽ ലഭി ക്കുന്നതുമാണ്. ഇതു സംബന്ധിച്ച് കൂടുതൽ വിവരങ്ങൾക്കും സഹായങ്ങൾക്കും വെബ്സൈറ്റ് സന്ദർശിക്കാവുന്നതും സഹായങ്ങൾക്കായി 0471-2465500, 8547902515 എന്ന നമ്പറുകളിൽ രാവിലെ 9 മണി മുതൽ രാത്രി 9 മണി വരെ ബന്ധ പ്പെടാവുന്നതുമാണ്.
