യുദ്ധക്കെടുതിയില് വലയുന്ന ഗാസയിലെ ജനങ്ങള്ക്ക് വിശുദ്ധ റമദാനില് കൂടുതല് സഹായമെത്തിക്കാനൊരുങ്ങുകയാണ് യുഎഇ. ഗാസയിലേക്കുള്ള സഹായം വര്ദ്ധിപ്പിക്കാന് യുഎഇ പ്രസിഡന്റ് ഷെയ്ഖ് മുഹമ്മദ് ബിന് സായിദ് അല് നഹ്യാന് നിര്ദേശം നല്കി. ഇന്റര്നാഷണല് ഹ്യുമാനിറ്റേറിയന് ആന്ഡ് ഫിലാന്ത്രോപിക് കൗണ്സിലാണ് സഹായമെത്തിക്കുന്നത്.
വിവിധ സംരംഭങ്ങളിലൂടെ ഇമിറാത്തി മാനുഷിക സംഘടനകളും പിന്തുണ നല്കും. ഗാസയില ജനങ്ങളുടെ ജീവിതസാഹചര്യം മെച്ചപ്പെടുത്തുകയാണ് യു.എ.ഇ. ലക്ഷ്യമിടുന്നതെന്ന് ഇന്റര്നാഷണല് ഹ്യുമാനിറ്റേറിയന് ആന്ഡ് ഫിലാന്ത്രോപിക് കൗണ്സില് ചെയര്മാന് ഷെയ്ഖ് തിയാബ് ബിന് മുഹമ്മദ് ബിന് സായിദ് അല് നഹ്യാന് പറഞ്ഞു.
എമിറേറ്റ്സ് റെഡ് ക്രസന്റ്, ഖലീഫാ ബിന് സായിദ് അല് നഹ്യാന് ഫൗണ്ടേഷന്, സായിദ് ബിന് സുല്ത്താന് അല് നഹ്യാന് ചാരിറ്റബിള് ആന്ഡ് ഹ്യുമാനിറ്റേറിയന് ഫൗണ്ടേഷന്, മറ്റ് ജീവകാരുണ്യസംഘടനകള് എന്നിവയുടെ ഏകോപനത്തില് 2023 നവംബര്മുതല് ഒട്ടേറെ സഹായങ്ങള് ഗാസ അതിര്ത്തിയിലെത്തിക്കുന്നുണ്ട്. ഇതിനകം 212 വിമാനങ്ങള് വഴിയും രണ്ട് ചരക്ക് കപ്പലുകള് വഴിയും ദുരിതാശ്വാസമെത്തിച്ചു.