ജി ഡി ആർ എഫ് എ -ദുബായ് പൊതുജന അഭിപ്രായ സർവേ ആരംഭിച്ചു; സേവനങ്ങൾ മെച്ചപ്പെടുത്താൻ ലക്ഷ്യമിടുന്നു

ദുബായ്: ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സ്-ദുബായ് (GDRFA-D) തങ്ങളുടെ സേവനങ്ങൾ മെച്ചപ്പെടുത്തുന്നതിനായി പൊതുജന അഭിപ്രായ സർവേ ആരംഭിച്ചു. ‘ജി.ഡി.ആർ.എഫ്.എ-ദുബായ് കോർപ്പറേറ്റ് റെപ്യൂട്ടേഷൻ 2025’ എന്ന് പേരിട്ടിരിക്കുന്ന ഈ സർവേ, ദുബായിലെ താമസക്കാരിൽ നിന്ന് ഓൺലൈനിലൂടെ നേരിട്ട് അഭിപ്രായങ്ങൾ ശേഖരിച്ച് സ്ഥാപനത്തിന്റെ പ്രവർത്തന രീതികളും നടപടിക്രമങ്ങളും കൂടുതൽ കാര്യക്ഷമമാക്കാൻ ലക്ഷ്യമിടുന്നു.പൊതുജനങ്ങളുടെ കാഴ്ചപ്പാടിൽ ജി.ഡി.ആർ.എഫ്.എ-ഡി യുടെ പ്രതിച്ഛായ വിലയിരുത്താനും, നൽകുന്ന സേവനങ്ങളിലും നടപടിക്രമങ്ങളിലുമുള്ള ജനങ്ങളുടെ അനുഭവങ്ങളും അഭിപ്രായങ്ങളും പങ്കുവെക്കാനും സർവേ അവസരം നൽകുന്നു. ഉപഭോക്തൃ സംതൃപ്തി ഉറപ്പുവരുത്താനും കാര്യങ്ങൾ കൂടുതൽ കാര്യക്ഷമമാക്കാനുമാണ് ഇതിലൂടെ അധികൃതർ ലക്ഷ്യമിടുന്നത്.”ദുബായിൽ താമസിക്കുന്നവർ ജി.ഡി.ആർ.എഫ്.എ-ഡി യെ എങ്ങനെ കാണുന്നു?” എന്ന ചോദ്യത്തിന് മറുപടി നൽകാനുള്ള തുറന്ന ഇടമായാണ് ഈ സർവേയെ ഡയറക്ടറേറ്റ് കാണുന്നത്. സമൂഹത്തിന്റെ വിവിധ തുറകളിൽ നിന്നുള്ളവരുടെ ഉൾക്കാഴ്ചകൾ ശേഖരിച്ച് സേവനങ്ങളുടെയും നടപടിക്രമങ്ങളുടെയും ഗുണമേന്മ വർദ്ധിപ്പിക്കുകയാണ് പ്രധാന ലക്ഷ്യം. ജനങ്ങളുടെ അഭിപ്രായങ്ങളാണ് തങ്ങളുടെ അടുത്ത നടപടികൾ രൂപപ്പെടുത്തുന്നതിനുള്ള അളവുകോലെന്ന് അധികൃതർ വ്യക്തമാക്കി.സർവേയിൽ പങ്കെടുക്കുന്നവരുടെ വ്യക്തിപരമായ വിവരങ്ങൾ രഹസ്യമായി സൂക്ഷിക്കുമെന്ന് അധികൃതർഅറിയിച്ചു.ഇംഗ്ലീഷിലുംഅറബിയിലുമുള്ളhttps://msurvey.government.ae/survey/GeneralDirectorateofResidencyandForeignersAffairs-Dubai/lxP എന്ന ഓൺലൈൻ ലിങ്കിലൂടെ ഏതാനും മിനിറ്റുകൾ കൊണ്ട് പൊതുജനങ്ങൾക്ക് സർവേയിൽ പങ്കെടുക്കാം. ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സിന്റെ പ്രവർത്തനങ്ങളെക്കുറിച്ചും സേവനങ്ങളെക്കുറിച്ചുമുള്ള വിലയേറിയ അഭിപ്രായങ്ങൾ പങ്കുവെക്കാൻ ഇത് മികച്ച അവസരമാണെന്നും, ദുബായിലെ താമസക്കാരും ഗുണഭോക്താക്കളും സർവേയിൽ പങ്കെടുക്കണമെന്നും ജി.ഡി.ആർ.എഫ്.എ-ദുബായ് അഭ്യർത്ഥിച്ചു.