ഷാർജ: ഷാർജ ഇന്ത്യൻ അസോസിയേഷൻ അംഗവും കുട്ടനാട് എംഎൽഎയുമായ ശ്രീ റെജി ചെറിയാന് അസോസിയേഷൻ ആസ്ഥാനത്ത് ഊഷ്മള സ്വീകരണം നൽകി.
എംഎൽഎ ആയി തിരഞ്ഞെടുക്കപ്പെട്ടതിന് ശേഷം ആദ്യമായി യുഎഇയിൽ എത്തിയതായിരുന്നു അദ്ദേഹം.
അസോസിയേഷൻ പ്രസിഡന്റ് ശ്രീ നിസാർ തളങ്കര അധ്യക്ഷത വഹിച്ച ചടങ്ങിൽ ജനറൽ സെക്രട്ടറി ശ്രീപ്രകാശ് സ്വാഗതം ആശംസിച്ചു. ജോ സെക്രട്ടറി ജിബി ബേബി നന്ദി പറഞ്ഞു.
കുട്ടനാടിന്റെ വികസന സ്വപ്നങ്ങളും പൊതുപ്രവർത്തന രംഗത്തെ അനുഭവങ്ങളും എംഎൽഎ ചടങ്ങിൽ പങ്കുവെച്ചു. ഷാർജ ഇന്ത്യൻ അസോസിയേഷൻറെ ഭാവി പ്രവർത്തനങ്ങൾക്ക് അദ്ദേഹം സർക്കാരിന്റെ എല്ലാ പിന്തുണയും ഉണ്ടാകുമെന്ന് ഉറപ്പു നൽകി. ഷാർജ ഇന്ത്യൻ അസോസിയേഷനിൽ ഇ ഫെസിലിറ്റേഷൻ സെൻ്റർ , നോർക്ക ഇൻഷുറൻസിന്റെ പുനസ്ഥാപനം , ക്ഷേമനിധിയിലെ അംഗത്വ പ്രായപരിധി 70 വയസ്സാക്കി ഉയർത്തൽ തുടങ്ങി
പ്രവാസ സമൂഹവുമായി ബന്ധപ്പെട്ട പ്രശ്നങ്ങളിൽ സർക്കാരിൻറെ ഇടപെടലുകൾ ആവശ്യപ്പെട്ടുകൊണ്ട് അദ്ദേഹത്തിന് നിവേദനം സമർപ്പിച്ചു.
ചടങ്ങിൽ അസോസിയേഷൻ മാനേജിങ് കമ്മിറ്റി അംഗങ്ങളും ഭാരവാഹികളും പങ്കെടുത്തു.
കൂടാതെ, വിവിധ സംഘടനാ നേതാക്കളായ മഹാദേവൻ വാഴശ്ശേരിൽ, സുനിൽ അസിസ്, എസ് എം ജാബിർ, രാജേഷ് നിട്ടൂർ, അസോസിയേഷൻ വൈസ് പ്രസിഡണ്ട് പ്രദീപ് നെന്മാറ ,ഓഡിറ്റർ ഹരിലാൽ, പി ആർ പ്രകാശ് ,അഡ്വക്കേറ്റ് സന്തോഷ് നായർ തുടങ്ങിയ പ്രമുഖരും ചടങ്ങിൽ സംബന്ധിച്ച് ആശംസകൾ നേർന്നു.
