ദുബായ്:സ്റ്റാർ സിംഗർ യുഎഇ ടാലന്റ് ഹണ്ടിന്റെ മറ്റൊരു സീസണിലൂടെ യുഎഇയിലെ പ്രതിഭാധനരായ മലയാളി ഗായകർക്ക് ഏഷ്യാനെറ്റ് ME ഒരു സുവർണ്ണാവസരം ഒരുക്കുന്നു.18 വയസ്സോ അതിൽ കൂടുതലോ ഉള്ള യുഎഇ നിവാസികൾക്കായുള്ള ഈ മത്സരത്തിൽ പങ്കെടുക്കാൻ ആഗ്രഹിക്കുന്നവർ ഔദ്യോഗിക കോൺടെസ്റ്റ് വെബ്സൈറ്റ് വഴി അവർ പാടിയ ഏതെങ്കിലും മലയാളം പാട്ടിന്റെ രണ്ട് മിനിറ്റ് ദൈർഘ്യമുള്ള വീഡിയോ സമർപ്പിക്കേണ്ടതാണ്.തിരഞ്ഞെടുക്കപ്പെടുന്ന വിജയിക്ക് കൊച്ചിയിലേക്ക് എല്ലാ ചെലവുകളും അടക്കം ഉള്ള യാത്രയും സ്റ്റാർ സിംഗർ സീസൺ 10 ന്റെ സെറ്റ് സന്ദർശിക്കുവാനും ഷോയിൽ ഒരു സ്പെഷ്യൽ പെർഫോമൻസിനുമുള്ള അവസരവും ലഭിക്കും.ഏഷ്യാനെറ്റ് ME ടിവി ചാനലിലെ സ്റ്റാർ സിംഗർ സീസൺ 10 റിയാലിറ്റി ഷോയുടെ ജനപ്രീതിയെ അടിസ്ഥാനമാക്കി പ്രാദേശിക ഗായകർക്ക് അവരുടെ കഴിവുകൾ പ്രകടിപ്പിക്കാൻ ഉള്ള വേദി നൽകുന്ന ഒരു മലയാള സംഗീത മത്സരമാണ് സ്റ്റാർ സിംഗർ സീസൺ 10 യുഎഇ ടാലന്റ് ഹണ്ട്.യുഎഇയുടെ വിവിധ ഭാഗങ്ങളിൽ നിന്നുള്ള പ്രതിഭകളെ ഒന്നിച്ചു കൊണ്ടുവരുന്ന ഈ മത്സരം, കെ. എസ്. ചിത്ര, സിത്താര കൃഷ്ണകുമാർ, വിധു പ്രതാപ് തുടങ്ങിയ പ്രശസ്തരുടെ സാന്നിധ്യത്തിൽ ഒരു മഹത്തായ വേദിയിൽ തിളങ്ങാൻ ഒരു അതുല്യ അവസരം നൽകുന്നു.
യുഎഇയിൽ ഉള്ള യുവ മത്സരാർത്ഥികളെ സംബന്ധിച്ചിടത്തോളം, ഈ വേദി ഗായകർക്ക് സ്കൂൾ, കോളേജ് മത്സരങ്ങൾക്കപ്പുറത്തേക്ക് പ്രൊഫഷണൽ ശ്രദ്ധ ആകർഷിക്കാൻ ഉള്ള അവസരം നൽകുന്നു.
മലയാളത്തിലെ ഏറ്റവും വലിയ റിയാലിറ്റി സംഗീത ഷോ പ്ലാറ്റ്ഫോമുകളിലൊന്നായ ഈ മത്സരം, അതിരുകൾക്കപ്പുറം കേൾക്കപ്പെടേണ്ട, കഴിവുറ്റ ശബ്ദങ്ങൾക്ക് അവർ അർഹിക്കുന്ന പരിഗണന നൽകുന്നു.
സ്റ്റാർ സിംഗർ സീസൺ 10 യുഎഇ ടാലന്റ് ഹണ്ടിൽ പങ്കെടുക്കുന്നതിനായി, നിങ്ങൾ പാടിയ ഏതെങ്കിലും മലയാളം പാട്ടിന്റെ 2 മിനിറ്റ് വീഡിയോ അപ്ലോഡ് ചെയ്യുക https://contest.jiostar.com/ae/
വീഡിയോ 2026 ഫെബ്രുവരി 8 വരെ സമർപ്പിക്കാവുന്നതാണ്
