ന്യൂഡൽഹി: അമേരിക്കയിലെ കാലിഫോർണിയയിൽ കാണാതായിരുന്ന ഇന്ത്യൻ വിദ്യാർത്ഥിയെ മരിച്ച നിലയിൽ കണ്ടെത്തി. 22 കാരനായ സാകേത് ശ്രീനിവാസയ്യയുടെ മൃതദേഹമാണ് ആറു ദിവസത്തിന് ശേഷം കണ്ടെത്തിയത്. യുഎസിലെ ഇന്ത്യൻ കോൺസുലേറ്റ് മരണവിവരം സ്ഥിരീകരിച്ചു.
സുഹൃത്തുക്കൾ ലിങ്ക്ഡ്ഇനിലൂടെ സഹായം അഭ്യർത്ഥിച്ച് പോസ്റ്റ് ചെയ്തതോടെയാണ് കാണാതായ വിവരം പുറത്തറിഞ്ഞത്. ബെർക്ക്ലിയിലെ കാലിഫോർണിയ സർവകലാശാലയിൽ പഠിച്ചിരുന്ന സാകേതിനെ അവസാനമായി അൻസ തടാകത്തിന് സമീപമാണ് കണ്ടത്. പിന്നീട് ബാഗും ലാപ്ടോപ്പും അവിടെ നിന്ന് കണ്ടെത്തി.
കർണാടക സ്വദേശിയായ സാകേത് 2025ൽ ഐഐടി മദ്രാസിൽ നിന്ന് കെമിക്കൽ എഞ്ചിനീയറിങ്ങിൽ ബിടെക് ബിരുദം നേടിയിരുന്നു. തുടർന്ന് യുഎസി ബെർക്ക്ലിയിൽ കെമിക്കൽ ആൻഡ് ബയോമോളിക്യുലാർ എഞ്ചിനീയറിങ്ങിൽ ബിരുദാനന്തര ബിരുദ വിദ്യാർത്ഥിയായി പഠിച്ചുവരികയായിരുന്നു.
WhatsApp Channel
പ്രധാന വാർത്തകളും ബ്രേക്കിങ് അപ്ഡേറ്റുകളും നേരിട്ട് ഫോണിലേക്ക്
Join
