തെഹ്‌റാന്‍: അയല്‍രാജ്യങ്ങള്‍ക്ക് നേരെയുള്ള ആക്രമണങ്ങള്‍ നിര്‍ത്തിയതായി ഇറാന്‍ പ്രഖ്യാപിച്ചു. ഇറാന്‍ പ്രസിഡന്റ് മസൂദ് പെസഷ്‌കിയാന്‍ ആണ് ഇക്കാര്യം അറിയിച്ചത്. ഇനി ഇറാനെ ആക്രമിച്ചാല്‍ മാത്രം തിരിച്ചടിക്കുമെന്ന് അദ്ദേഹം വ്യക്തമാക്കി.
കഴിഞ്ഞ ദിവസങ്ങളിലുണ്ടായ ആക്രമണങ്ങളെ തുടര്‍ന്ന് ഗള്‍ഫ് രാജ്യങ്ങളോട് ക്ഷമ ചോദിക്കുന്നതായും പെസഷ്‌കിയാന്‍ പറഞ്ഞു. മേഖലയില്‍ സുരക്ഷയും സമാധാനവും ഉറപ്പാക്കാന്‍ ഗള്‍ഫ് രാജ്യങ്ങളുമായി ചേര്‍ന്ന് പ്രവര്‍ത്തിക്കുമെന്നും അദ്ദേഹം വ്യക്തമാക്കി.
അതേസമയം, കൊളോണിയല്‍ ധാര്‍ഷ്ട്യത്തിന് മുന്നില്‍ കീഴടങ്ങാന്‍ ഇറാന്‍ തയ്യാറല്ല എന്നും പ്രസിഡന്റ് പറഞ്ഞു. രാജ്യസുരക്ഷയ്ക്കായി ജനങ്ങള്‍ ഭിന്നതകള്‍ മാറ്റിവെച്ച് ഒന്നിച്ചുനില്‍ക്കണമെന്നും അദ്ദേഹം ആഹ്വാനം ചെയ്തു.
ഇസ്രായേലും അമേരിക്കയും ചേര്‍ന്ന് ഫെബ്രുവരി 28ന് ആരംഭിച്ച ആക്രമണങ്ങള്‍ക്ക് ഇറാന്‍ ശക്തമായ പ്രത്യാക്രമണം നടത്തി. പ്രധാനമായും ഗള്‍ഫ് മേഖലയിലെ അമേരിക്കന്‍ സൈനിക താവളങ്ങളെ ലക്ഷ്യമിട്ടായിരുന്നു ഇറാന്റെ ആക്രമണങ്ങള്‍, ഇത് പ്രദേശത്ത് വലിയ യുദ്ധഭീതിക്ക് ഇടയാക്കിയിരുന്നു.
English Summary : Iranian President Masoud Pezeshkian announced that Iran has stopped attacks on neighbouring Gulf countries and apologised for recent strikes. He said Iran would respond only if attacked and expressed willingness to work with Gulf nations to ensure regional security and stability.
