ദുബായ്: നിലവിലുള്ള സാഹചര്യങ്ങളും റമദാൻ മാസത്തിൽ സാധാരണയായി രക്തദാനത്തിൽ ഉണ്ടാകുന്ന കുറവും കാരണം ദുബായിൽ രക്തക്ഷാമം രൂക്ഷമായിരിക്കുകയാണ്. താലസീമിയ പോലുള്ള അപൂർവ രോഗങ്ങളുള്ള കുട്ടികൾ ഉൾപ്പെടെ നിരവധി ഗുരുതരാവസ്ഥയിലുള്ള രോഗികൾ ചികിത്സയ്ക്കായി രക്തം കാത്തിരിക്കുകയാണ്.
ഈ സാഹചര്യത്തിൽ ബ്ലഡ് ഡോണേഴ്സ് കേരള – യു.എ.ഇയുടെ നേതൃത്വത്തിൽ ഇന്ന് വൈകുന്നേരം എമർജൻസി ബ്ലഡ് ഡൊണേഷൻ ക്യാമ്പ് സംഘടിപ്പിക്കുന്നു. ആശുപത്രികളിൽ ചികിത്സയിൽ കഴിയുന്ന രോഗികൾക്ക് അടിയന്തരമായി രക്തം ലഭ്യമാക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിക്കുന്നത്.
രക്തദാനം ചെയ്യാൻ കഴിയുന്നവർ ക്യാമ്പിൽ എത്തി പങ്കാളികളാകണമെന്നും, കൂടുതൽ ആളുകളിലേക്ക് ഈ വിവരം എത്തിക്കുന്നതിനായി അഭ്യർത്ഥന പങ്കുവെക്കണമെന്നും സംഘാടകർ അറിയിച്ചു.
റമദാൻ മാസത്തിൽ ഒരു പുണ്യപ്രവർത്തനമായി രക്തദാനം ചെയ്യാൻ സമൂഹം ഒന്നിച്ചു നിൽക്കണമെന്ന് സംഘാടകർ അഭ്യർത്ഥിച്ചു. ഓരോ രക്തദാനവും ഒരു ജീവൻ രക്ഷിക്കാൻ സഹായിക്കുമെന്നതാണ് സന്ദേശം.
#blooddonation #donatebloodsavealife #BloodDonorsKeralaUAE
English Summary : An emergency blood donation camp has been organised in Dubai by Blood Donors Kerala – UAE following a severe shortage of blood during Ramadan. The initiative aims to support patients, including children with thalassemia and other critical conditions, who urgently need blood for treatment. Residents have been urged to participate in the donation drive and help save lives.
