ഓക്സ് ഇബ്ൻ ബത്തൂത്ത ഗേറ്റ് ഹോട്ടലിൽ ലൈവ് തെപ്പന്യാക്കി, ഷാബു ഷാബു, സുഷി ബാർ സൗകര്യങ്ങളോടെ 95 സീറ്റുകളുള്ള പുതിയ കേന്ദ്രം തുറന്നു.
ദുബായ്:പ്രശസ്ത ജാപ്പനീസ് റെസ്റ്റോറന്റ് ശൃംഖലയായ ബെനിഹാന യുഎഇയിലെ തങ്ങളുടെ സാന്നിധ്യം വിപുലീകരിച്ച് ദുബായ് ഓക്സ് ഇബ്ൻ ബത്തൂത്ത ഗേറ്റ് ഹോട്ടലിൽ പുതിയ ശാഖ ആരംഭിച്ചു.
സെവൻ ടൈഡ്സ് ഇന്റർനാഷണലിന്റെ ഉടമസ്ഥതയിലും മൈനർ ഹോട്ടൽസിന്റെ നടത്തിപ്പിലുമുള്ള ഹോട്ടലിന്റെ ഗ്രൗണ്ട് ഫ്ലോറിലാണ് 95 പേർക്കിരിക്കാവുന്ന ഈ പുതിയ റെസ്റ്റോറന്റ് സജ്ജീകരിച്ചിരിക്കുന്നത്. ലൈവ് കുക്കിംഗ് ഷോകളും തത്സമയ ജാപ്പനീസ് വിഭവ തയാറാക്കലുമാണ് റെസ്റ്റോറന്റിന്റെ പ്രധാന ആകർഷണം.
ജാപ്പനീസ് എ5 വാഗ്യൂ തെപ്പന്യാക്കി, ട്രഫിൾ സോസും സ്വർണ്ണത്തളികയും ചേർത്ത ഗോഡ്സില്ല റോൾ തുടങ്ങിയ പ്രമുഖ വിഭവങ്ങൾ ഇവിടെ ലഭ്യമാണ്. ഇതിനുപുറമെ, ഡാഷി സൂപ്പ് അടിസ്ഥാനമാക്കിയുള്ള പരമ്പരാഗത ജാപ്പനീസ് ‘ഷാബു ഷാബു’ ഹോട്ട് പോട്ട് ഭക്ഷണരീതിയും പുതിയ സെന്ററിൽ ഒരുക്കിയിട്ടുണ്ട്.
ബെനിഹാനയുടെ ജനപ്രിയ ഭക്ഷണാനുഭവം ഇബ്ൻ ബത്തൂത്ത മേഖലയിൽ ആദ്യമായി എത്തിക്കാൻ കഴിഞ്ഞതിൽ സന്തോഷമുണ്ടെന്ന് ഓക്സ് ഇബ്ൻ ബത്തൂത്ത ഗേറ്റ് ഹോട്ടൽ സെയിൽസ് ആൻഡ് മാർക്കറ്റിംഗ് ഡയറക്ടർ ഡോർഡിജെ ജാബുകാനിൻ പറഞ്ഞു. കുടുംബങ്ങൾക്കും ചെറുകിട ഗ്രൂപ്പുകൾക്കുമായി പ്രത്യേക സ്വകാര്യ സീറ്റിംഗ് സൗകര്യങ്ങളും ഇവിടെ ലഭ്യമാണ്.
ദിവസവും ഉച്ചയ്ക്ക് 12 മണി മുതൽ രാത്രി 11 മണി വരെയാണ് റെസ്റ്റോറന്റിന്റെ പ്രവർത്തന സമയം. വൈകുന്നേരം 6.30 മുതലാണ് ലൈവ് തെപ്പന്യാക്കി കൗണ്ടറുകൾ പ്രവർത്തിക്കുക.
