സുരക്ഷാ ഇടവേളയ്ക്ക് ശേഷം ആഗോള സാംസ്കാരിക വേദി വീണ്ടും സജീവമായി
ദുബായ് | ഏപ്രിൽ 20, 2026: ലോകത്തിന്റെ വിവിധ സംസ്കാരങ്ങളെ ഒന്നിച്ച് അവതരിപ്പിക്കുന്ന പ്രശസ്ത വിനോദകേന്ദ്രമായ Dubai Global Village വീണ്ടും പൊതുജനങ്ങൾക്ക് തുറന്നു. തിങ്കളാഴ്ച വൈകിട്ട് 5 മണി മുതൽ സന്ദർശകർക്കായി പ്രവേശനം ആരംഭിച്ചതായി അധികൃതർ അറിയിച്ചു.
മേഖലയിലെ സംഘര്ഷ സാഹചര്യങ്ങളെ തുടര്ന്ന് സുരക്ഷാ കാരണങ്ങളാൽ അടച്ചിട്ടിരുന്ന ഗ്ലോബൽ വില്ലേജ്, സായാഹ്നത്തിന്റെ ആകർഷകമായ അന്തരീക്ഷത്തിൽ വീണ്ടും പ്രവർത്തനം പുനരാരംഭിച്ചതാണ്. വൈകിട്ട് 5 മണി മുതൽ രാത്രി 12 മണിവരെ കേന്ദ്രം തുറന്നിരിക്കുമെന്ന് അധികൃതർ വ്യക്തമാക്കി.
വിവിധ രാജ്യങ്ങളുടെ പവിലിയനുകൾ, സംസ്കാരിക പരിപാടികൾ, ഭക്ഷണ മേളകൾ, ഷോപ്പിംഗ് അനുഭവങ്ങൾ എന്നിവകൊണ്ട് പ്രശസ്തമായ ഈ വിനോദകേന്ദ്രം, വിനോദസഞ്ചാരികൾക്കും ഗൾഫ് മലയാളികൾക്കും ഏറെ പ്രിയപ്പെട്ടതാണ്. പുനരാരംഭത്തോടെ വീണ്ടും സന്ദർശകരുടെ തിരക്ക് വർധിക്കുമെന്നാണു പ്രതീക്ഷ.
