ഫുജൈറ: കേരളത്തിൽ പത്ത് വർഷത്തിന് ശേഷം യു.ഡി.എഫ് അധികാരത്തിലെത്തിയതിന്റെ ആവേശം പ്രവാസലോകത്തും നിറഞ്ഞു. ഫുജൈറയിൽ ഇൻകാസ് പ്രവർത്തകർ യു.ഡി.എഫ് വിജയാഘോഷം വിപുലമായി സംഘടിപ്പിച്ചു.
ട്രിവർണ്ണ നിറത്തിലുള്ള കേക്ക് മുറിച്ചും ലഡു വിതരണം ചെയ്തും നാട്ടിലെ വിജയാഘോഷങ്ങളെ അനുസ്മരിപ്പിക്കുന്ന തരത്തിലാണ് ആഘോഷങ്ങൾ നടന്നത്. കോൺഗ്രസ് പതാകകളും തൊപ്പികളും അണിഞ്ഞു പാട്ടുപാടിയും നിർത്ഥംചൈത്തും പ്രവാസലോകത്തും KPCC യുടെ പ്രവാസി പോഷകാസംഘടനയായ ഇൻകാസ് പ്രവർത്തകർ ആഘോഷിച്ചു.
ഇൻകാസ് ഫുജൈറ ജനറൽ സെക്രട്ടറി പി. സി. ഹംസ, വർക്കിംഗ് പ്രസിഡന്റ് നാസർ പറമ്പിൽ, സെൻട്രൽ കമ്മിറ്റി സെക്രട്ടറി സുബൈർ, ഡോ. ഷാജി കസ്മി, ജില്ലാ പ്രസിഡന്റുമാരായ ഉസ്മാൻ ചൂരക്കോട്, പി. എ. ആയൂബ്, സഫാദ് സി. വി, അഫ്സൽ എന്നിവർ ഉൾപ്പെടെ നിരവധി നേതാക്കളും പ്രവർത്തകരും ചടങ്ങിൽ പങ്കെടുത്തു.
പത്ത് വർഷത്തെ കാത്തിരിപ്പിന് ശേഷം ലഭിച്ച ഈ വിജയം പ്രവർത്തകർക്ക് വലിയ ആവേശം നൽകിയതായി നേതാക്കൾ പ്രതികരിച്ചു. പ്രവാസികളായ മലയാളികളും നാട്ടിലെ രാഷ്ട്രീയ സംഭവവികാസങ്ങളോട് ഒരുപോലെ പങ്കാളികളാണെന്ന് ഈ ആഘോഷം തെളിയിക്കുന്നതായി അവർ കൂട്ടിച്ചേർത്തു.
