അബുദാബി: ഫുട്ബോൾ ലോകത്തിന്റെ ആവേശം ഉയരുന്നതിനിടെ ആരാധകർക്കായി വിപുലമായ ഉൽപ്പന്ന ശേഖരവുമായി ലുലു ഫുട്ബോൾ ഫിവർ ക്യാംപെയ്ൻ ആരംഭിച്ചു. ലോകമെമ്പാടുമുള്ള ഫുട്ബോൾ ആരാധകരുടെ പ്രിയ ടീമുകളുടെ ഔദ്യോഗിക ജേഴ്സികൾ മുതൽ ബൂട്ടുകൾ, ഫുട്ബോളുകൾ തുടങ്ങി വിവിധ സ്പോർട്സ് ഉൽപ്പന്നങ്ങൾ വരെ ആകർഷകമായ ഓഫറുകളോടെ ലുലു സ്റ്റോറുകളിൽ ലഭ്യമാക്കിയിട്ടുണ്ട്.
ഫുട്ബോൾ ആരാധകരുടെ ആവേശം ഇരട്ടിയാക്കുന്ന തരത്തിൽ ബ്രസീൽ, അർജന്റീന, പോർച്ചുഗൽ, ഖത്തർ, സൗദി അറേബ്യ, സ്പെയിൻ, ഫ്രാൻസ് തുടങ്ങിയ രാജ്യങ്ങളുടെ ഫിഫ ഔദ്യോഗിക ലൈസൻസുള്ള ടീം ജേഴ്സികളാണ് പ്രധാന ആകർഷണം. ലുലുവിന്റെ ഫുട്ബോൾ ഫിവർ ക്യാംപെയ്നിന്റെ ഭാഗമായി ജേഴ്സികൾ 29 ദിർഹം മുതൽ ലഭ്യമാകുന്നുവെന്ന് അധികൃതർ അറിയിച്ചു.
ജേഴ്സികൾക്ക് പുറമെ ഫുട്ബോൾ ബൂട്ടുകൾ, ഫുട്ബോളുകൾ, മറ്റ് കായിക ഉപകരണങ്ങൾ എന്നിവയ്ക്കും പ്രത്യേക വിലക്കിഴിവുകൾ ഒരുക്കിയിട്ടുണ്ട്. ഫുട്ബോൾ പ്രേമികൾക്കും കായിക ആരാധകർക്കും ആവശ്യമായ ഉൽപ്പന്നങ്ങൾ ഒരിടത്ത് ലഭ്യമാക്കുകയാണ് ക്യാംപെയ്നിലൂടെ ലക്ഷ്യമിടുന്നത്.
കുടുംബാംഗങ്ങൾക്കും സുഹൃത്തുക്കൾക്കുമൊപ്പം മത്സരങ്ങൾ ആസ്വദിക്കുന്നവരെ ലക്ഷ്യമിട്ട് ടെലിവിഷനുകൾ, സ്പീക്കറുകൾ, പ്ലേസ്റ്റേഷനുകൾ തുടങ്ങിയ ഇലക്ട്രോണിക് ഉൽപ്പന്നങ്ങൾക്കും ലുലു പ്രത്യേക ഓഫറുകൾ പ്രഖ്യാപിച്ചിട്ടുണ്ട്. തെരഞ്ഞെടുത്ത ടെലിവിഷനുകൾക്ക് 15 ശതമാനം വരെ വിലക്കിഴിവ് ലഭിക്കും.
ഓൺലൈൻ ഷോപ്പിംഗിനും പ്രത്യേക ആനുകൂല്യങ്ങൾ ലഭ്യമാക്കിയിട്ടുണ്ടെന്നും വിവിധ ബാങ്കുകളുമായി സഹകരിച്ച് അധിക ഓഫറുകളും ക്യാഷ്ബാക്ക് പദ്ധതികളും ഒരുക്കിയിട്ടുണ്ടെന്നും ലുലു അറിയിച്ചു. ഫുട്ബോൾ സീസണിന്റെ ആവേശം കൂടുതൽ ആഘോഷമാക്കാൻ ഉപഭോക്താക്കൾക്ക് മികച്ച അവസരങ്ങളാണ് ഇത്തവണ ഒരുക്കിയിരിക്കുന്നതെന്ന് കമ്പനി അധികൃതർ വ്യക്തമാക്കി.
