ദുബായ്: “മറ്റൊരു ജീവന് തുണയാകുക” എന്ന സന്ദേശമുയർത്തി, യു.എ.ഇയിലെ മുളിയാർ പ്രവാസികളുടെ കൂട്ടായ്മയായ മുളിയാർ കൂട്ടായ്മ യു.എ.ഇ യുടെ ആഭിമുഖ്യത്തിൽ വാർഷിക രക്തദാന ക്യാമ്പ് സംഘടിപ്പിച്ചു.
ഓഗസ്റ്റ് 30, ഞായറാഴ്ച രാവിലെ ദുബായ് ദെയ്റയിലെ അൽ കുവൈറ്റ് ഹോസ്പിറ്റലിൽ (അൽ ബർഹ) വെച്ച് നടന്ന ക്യാമ്പിൽ കൂട്ടായ്മ അംഗങ്ങളും യു.എ.ഇയുടെ വിവിധ ഭാഗങ്ങളിൽ നിന്നുള്ള നിരവധി സുമനസ്സുകളും പങ്കെടുത്ത് രക്തദാനം നിർവഹിച്ചു.
കുവൈറ്റ് ഹോസ്പിറ്റൽ ബ്ലഡ് ബാങ്കുമായി സഹകരിച്ചാണ് ക്യാമ്പ് സംഘടിപ്പിച്ചത്. ആശുപത്രി അധികൃതർ മുളിയാർ കൂട്ടായ്മയുടെ സാമൂഹിക പ്രതിബദ്ധതയെ അഭിനന്ദിച്ചു.
കഴിഞ്ഞ 11 വർഷമായി യു.എ.ഇയിൽ സാമൂഹിക, സാംസ്കാരിക, ജീവകാരുണ്യ മേഖലകളിൽ സജീവമായി പ്രവർത്തിച്ചുവരുന്ന പ്രവാസി സന്നദ്ധ സംഘടനയാണ് മുളിയാർ കൂട്ടായ്മ യു.എ.ഇ
